Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Baqytjan Saǵyntaev «otstavkaǵa ketti» degen aqparat jalǵan - ákimdik

2022 jyldyń 13 qańtar 2022 21:25

ALMATY. QazAqparat - Almaty ákimdigi Baqytjan Saǵyntaevtyń otstavkaǵa ketkeni jaıly qaýesetke qatysty túsinikteme berdi, dep habarlaıdy QazAqparat tilshisi.

«Áleýmettik jelide Almaty ákimi Baqytjan Saǵyntaevtyń otstavkaǵa ketýi týraly taratylǵan aqparat shyndyqqa janaspaıdy. Qala ákimi jumys ornynda óz mindetin atqaryp, Almatynyń tynys-tirshiligin tezirek qalpyna keltirý máselelerin sheshýde», - dep habarlady Almaty ákimdiginiń baspasóz qyzmeti.
Aıta keteıik, Almaty ákimi búgin Ujymdyq bitimgershilik kúshteriniń áskerı qyzmetshilerin shyǵaryp salý rásimine qatysty.
Sonymen qatar, Baqytjan Saǵyntaev qurylys kompanııalary men salalyq birlestikterdiń basshylarymen kezdesip, qıraǵan ǵımarattardy qalpyna keltirý jáne qalanyń áleýmettik ınfraqurylymyn odan ári damytý máselelerin talqylady.


Avtor Alma Muqanova
Basty sózder: Almaty, Ákim, Feık,
Joǵary qaraı