Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bal óndiretin 10 kásiporyn Saýd Arabııasynyń senimdi eksporttaýshylar reestrine engizildi

2021 jyldyń 28 shilde 2021 09:46

NUR-SULTAN. QazAqparat – Bal óndiretin 10 kásiporyn Saýd Arabııasynyń senimdi eksporttaýshylar reestrine engizildi, dep habarlaıdy QazAqparat QR Aýyl sharýashylyǵy mınıstrliginiń baspasóz qyzmetine silteme jasap.

Qazaqstannyń agroónerkásip kesheni salasyndaǵy 2975 kásiporyn ónimderin Eýrazııalyq ekonomıkalyq odaq, Eýropalyq Odaq, Qytaı Halyq Respýblıkasy, Koreıa Respýblıkasy, Ózbekstan Respýblıkasy, Birikken Arab Ámirlikteri, Japonııa, Túrkııa jáne Saýd Arabııasy elderine erkin ótkizedi.

Bıyl bal óndiretin jáne óz ónimderin Saýd Arabııasy Koroldigine eksporttaýǵa daıyn qazaqstandyq 10 kásiporyn atalmysh eldiń tıisti reestrine engizildi.

Jyl basynan beri mal sharýashylyǵy ónimderin jetkizýge quqyǵy bar 4 kásiporyn, sút ónimderin syrtqa shyǵarýǵa ázir 3 kásiporyn, balyq jáne balyq ónimderin saqtaıtyn, qaıta óńdep, ótkizetin 1 kásiporyn Qytaıdyń Bas keden basqarmasynyń tizimine engizildi.

Veterınarııalyq baqylaý jáne qadaǵalaý komıtetiniń Túrkııa tarapymen júrgizgen jemisti jumystarynyń nátıjesinde osy eldiń tizimine terini eksporttaýǵa quqyǵy bar 4 kásiporyn engizildi.

«Mınıstrliktiń 2021 jylǵy josparynda osy naryqtarǵa shyǵaratyn taýar túrlerin kóbeıtýdi jalǵastyrý, sondaı-aq Eýropalyq Odaqtyń, Túrkııanyń, jáne Ońtústik-Shyǵys Azııa elderiniń jańa naryǵyn ıgerý kózdelip otyr»,-delingen habarlamada.


Basty sózder: QR AShM, Aýyl sharýashylyǵy,
Joǵary qaraı