Aýa raıy
Astana -20 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

«Bala qorǵaý» Telegram-chatyna 2 myńnan astam ótinish túsken

2020 jyldyń 20 qarasha 2020 17:16

NUR-SULTAN. QazAqparat – QR Bilim jáne ǵylym mınıstrliginiń Balalardyń quqyqtaryn qorǵaý komıteti 11 aıdyń ishinde «Bala qorǵaý» Telegram-chatyna joldanǵan 2 myńnan astam ótinishti qarastyrdy. Bul týraly brıfıng barysynda Qazaqstan Respýblıkasynyń Bilim jáne ǵylym vıtse-mınıstri Bıbigúl Asylova málim etti, dep habarlaıdy QazAqparat.

Kámeletke tolmaǵandarǵa qatysty balalardyń quqyǵyn buzý, zorlyq-zombylyq nemese qatygez qarym-qatynas faktilerin jedel anyqtaý maqsatynda 2019 jyldan bastap Telegram messendjerinde «Bala qorǵaý»

chaty jumys isteıtindigin aıta ketken jón.

«Árbir jaǵdaı barlyq mán-jaı anyqtalyp, másele tolyq sheshilgenge deıin bizdiń baqylaýymyzda bolady. Endi qazaqstandyqtar qajet bolyp turǵan kómek týraly shuǵyl habarlap, balalardyń quqyqtaryn qamtamasyz etý máseleleri boıynsha mamandardyń keńesin alý múmkindigine ıe», – dep atap ótti Bıbigúl Asylova.

Osylaısha, QR BǴM mamandary, bilim berý salasyndaǵy sapany qamtamasyz etý jónindegi óńirlik departamentter basshylary, oblystyq bilim basqarmalary, qalalyq jáne aýdandyq bilim bólimderi basshylary, psıhologtar men áleýmettik pedagogter birlese otyryp, ómirlik qıyn jaǵdaıǵa tap bolǵan balalar men olardyń otbasylarynyń ótinishterin táýlik boıy qabyldaıdy. Chatqa qosylý úshin Telegram qosymshasynyń ishinde «bala_qorgau» sózin terý nemese https://t.me/bala_qorgau siltemesi boıynsha ótý qajet.


Joǵary qaraı