Aýa raıy
Astana -1 °S
Almaty -1 °S
valıýta baǵamy
USD 388.81
EUR 429.01
RUB 6.08
CNY 55.49

Balabaqshada aǵylshyn tili oqytylmaýy múmkin

2019 jyldyń 21 qazan 2019 11:19

NUR-SULTAN. QazAqparat – Balabaqshalardaǵy tárbıeshilerdiń eńbekaqysy kóteriledi.

Bul týraly Parlament Májilisindegi Úkimet saǵatynda QR Bilim jáne ǵylym mınıstri Ashat Aımaǵambetov málim etti, dep habarlaıd QazAqparat tilshisi.

«Mektep deıingi bilim berý baǵdarlamasynan aǵylshyn tilin oqytýdy alyp tastaý josparlanyp otyr. Sonymen qatar, tárbıshilerdiń eńbekaqysyn kóterý eskerilgen», - dedi A. Aımaǵambetov Bilim berýdi jáne ǵylymdy damytýdyń 2016-2019 jyldardaǵy baǵdarlamanyń iske asyrylýyn talqylaý barysynda.

Mınıstrlik málimetine qaraǵanda, Bilim berýdi jáne ǵylymdy damytýdyń 2016-2019 jyldarǵa arnalǵan memlekettik baǵdarlamasyn iske asyrý kezinde eldegi mektepke deıingi uıymdar jelisi balabaqshalar salý, jeke balabaqshalar, shaǵyn ortalyqtar ashý jáne basqa da engizý tásilderi esebinen 1839 birlikke. Sáıkesinshe, 3 jastan 6 jasqa deıingi balalardy mektepke deıingi tárbıemen jáne oqytýmen qamtý 13,6 paıyzǵa artty. Barlyǵy 10 673 mektepke deıingi uıym jumys isteıdi, onyń ishinde balabaqshalar - 6 470, shaǵyn ortalyqtar - 4 203. Kontıngent 775 164 adamdy quraıdy (2015 j. – 758 772 adam).

Mektepke deıingi bilim berýdi damytýdyń basymdyǵy memlekettik-jekeshelik áriptestikke negizdelgen. Sońǵy jyldary bilim berý salasyna bıznesti tartý boıynsha jumystar belsendi júrgizilýde. Eldegi mektepke deıingi uıymdardyń 38,2 paıyzy (4082) jeke menshik bolyp otyr, bul 2015 jylǵy kórsetkishten 18,1 paıyzǵa (20,1%) artyq.

Joǵary qaraı