Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Balalar ádebıetiniń avtorlary AQSh baspasymen kelisimge otyrdy

2021 jyldyń 20 jeltoqsan 2021 03:37

NUR-SULTAN. QazAqparat – Qazaqstandyq jazýshylar Zıra Naýryzbaeva men Lılııa Kalaýs Batý týraly trılogııany basyp shyǵarýǵa Amazon Publishing baspasymen kelisim jasasty, dep habarlaıdy QazAqparat.

«Men amerıkalyq Amazon Publishing baspa úıinen quttyqtaý aldym! Sebebi endi Lılııa Kalaýs ekeýmiz – osy baspanyń avtorlarymyz! Jańa ǵana Amazonnyń balalar bólimimen kelisimge otyrdyq. 2022 jyly Batý men onyń dostary altyn tostaǵandy AQSh-ta aǵylshyn tilinde izdeıtin bolady», - dep jazdy Zıra Naýryzbaeva Facebook-te.

«Shynymdy aıtsam, bul jobany qazaqstandyq balalarǵa arnap bastaǵan edim. Bizdiń mádenı erekshelikterimizdi kórsetetin kitaptar sheteldik oqyrmanǵa qyzyqty bolady dep oılappyn», - dedi ol.

Kezinde Lılııa ekeýmiz kitaptyń birinshi bóliminiń qazaq tiline aýdarylýyn qarjylandyrdyq. Qalǵan eki kitapty da aýdarý múmkindigi bolady dep úmittenemin, dep bólisti avtor.

«Batý men onyń dostarynyń oqıǵalary – shytyrman oqıǵaly povester. Onda zamanaýı qazaqstandyq balalar sıqyrly qazaq mıfologııasy álemine sapar shegedi. Kitap keıipkerleri – almatylyq besinshi synyp oqýshylary. Olar «Altyn tostaǵandy izdeý: Batý men onyń dostarynyń bastan keshkenderi» degen birinshi kitapta ShQO-ǵa, Degeleńge, Qońyr áýlıe úńgirine barady. Ekinshi kitapta Barsakelmeske, úshinshi kitapta Aıdala eline sapar shegedi.

Jańa jylda barlyq kitaptar @melomankz-ke qosylady. Kelesi aptada Nur-Sultan qalasynda, shamamen 25 jeltoqsanda saǵat 14:00-de tanystyrylymy ótedi», - dedi Zıra Naýryzbaeva.


Basty sózder: Qoǵam, AQSh, Amerıka, Ádebıet,
Joǵary qaraı