Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Balalar mektepte maskamen otyrýy tıis pe - Jandarbek Bekshınniń jaýaby

2021 jyldyń 5 naýryz 2021 17:23

ALMATY. QazAqparat - Almatyda kóptegen oqýshylar oqytýdyń aralas túrine kóshti. Oqýdyń sanıtarlyq talaptary týraly onlaın brıfıng barysynda qalalyq Sanıtarlyq ekpıdemıologııalyq baqylaý departamentiniń basshysy Jandarbek Bekshın aıtty, dep habarlaıdy QazAqparat tilshisi.

«QR Bas memlekettik sanıtarlyq dárigeriniń qaýlysyna sáıkes, 5 jasqa deıingi balalar ǵana maskasyz júre alady. Al 5 jastan asqan balalar maska taǵýy tıis. Bul mekteptiń basqa da qyzmetkerleri men ustazdaryna qatysty», - dedi bas sanıtarlyq dáriger.

Onyń aıtýynsha, qazirgi koronavırýs tolqyny ótkendegimen salystyrǵanda balalarǵa jıirek juǵyp jatyr.

«Mysaly byltyr pandemııa bastalǵaly 281 oqýshy aýyrǵan. Al bıyl jyl basynan beri 2 aıda 500 oqýshy aýyrǵan. Bul mektepke deıingi bilim berý mekemelerine de qatysty. Eger byltyr sáýirden jeltoqsanǵa deıin 28 bala juqtyrsa, bıyl 38 bala juqtyrǵan», - dedi spıker.

Bekshınniń aıtýynsha, balalar oflaın oqý kezinde de ata-analarynan, týystarynan juqtyryp jatyr.

«Kóbinese oflaın formatta oqıtyn balalardyń 61%y úıinde juqtyrǵany anyqtalyp otyr. Al byltyr 4 muǵalim aýyrsa, bıyl 10 muǵalim juqtyrǵan», - dedi J. Bekshın.


Joǵary qaraı