Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Balalar úıirmesine tegin jazylý úshin arnaıy platforma ázirlendi

2021 jyldyń 16 maýsym 2021 18:28

NUR-SULTAN. QazAqparat – Qazaqstanda balalar úıirmeleri men sport sektsııalaryn jan basyna qarjylandyrý úshin Artsport.edu.kz aqparattyq júıesi ázirlendi. Bul týraly QR Mádenıet jáne sport vıtse-mınıstri Erlan Qojaǵapanov aıtyp berdi, dep habarlaıdy QazAqparat tilshisi.

«Balalar úıirmeleri men sport sektsııalaryn jan basyna qarjylandyrýdy iske qosý protsesin avtomattandyrý maqsatynda Artsport.edu.kz aqparattyq júıesi ázirlendi, oǵan respýblıkanyń barlyq oblys ortalyqtary men respýblıkalyq mańyzy bar qalalar qosylǵan. Júıeni «SoftDeco» JShS ázirlegen. Onda jumys isteý boıynsha barlyq óńirlerdiń ókilderi oqytyldy», - dedi vıtse-mınıstr Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, aqparattyq júıede operatordyń jáne jetkizýshiniń «avtomattandyrylǵan jumys orny» (AJO) sekildi negizgi fýnktsıonaldar iske asyrylǵan.

Sonymen qatar ata-ananyń, jattyqtyrýshy men oqytýshynyń AJO fýnktsıonaldaryn jetildirý boıynsha jumystar júrgizilýde.

«2021 jylǵy 10 maýsymdaǵy jaǵdaı boıynsha júıede 500-ge jýyq ónim berýshi men 8 myń paıdalanýshy tirkelgen, olardyń 4 myńy – balalar», - dedi E. Qojaǵapanov.

Joǵary qaraı