Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Balalardy ońaltý ortalyqtarynda qandaı zańbuzýshylyqtar jıi tirkeledi

2021 jyldyń 21 qazan 2021 13:53

NUR-SULTAN. QazAqparat – Ulttyq aldyn alý tetigi úılestirý keńesiniń múshesi Laýra Aqataeva balalardy ońaltý ortalyqtarynda qandaı zańbuzýshylyqtar jıi tirkeletinin málimdedi, dep habarlaıdy QazAqparat tilshisi.

Monıtorgtik tekserýler nátıjesinde, 2019 jyly arnaıy áleýmettik qyzmetter kórsetýge arnalǵan balalar ortalyqtarynyń 50 paıyzy balalardyń qajettilikterine sáıkes kelmeıtindigi anyqtalǵan. Atap aıtqanda, olardyń zańdy quqyqtary buzylyp, medıtsınalyq qyzmettiń sapasy syn kótermeıdi. Al ótken jyly bul kórsetkish 30 paıyzdy qurady.

«Osyndaı ortalyqtarda balalardyń áleýmettik, bilim berý jáne pedagogıkalyq qyzmettermen tolyq qamtylmaýy, taza aýyzsýǵa tegin qol jetkize almaýy, olardy tasymaldaýǵa arnalǵan arbalardyń bolmaýy jıi kezdesedi. Sondaı-aq medıtsınalyq qujattardyń durys júrgizilmeı, qajetti dári-dármekterdiń bolmaýy, dárilerdiń jaramdylyq merziminiń asýy syndy faktiler de tirkelgen», - dedi Laýra Aqataeva.

Onyń aıtýynsha, maman tapshylyǵy máselesi de óte ózekti. Máselen, Almaty oblysy Talǵar aýdanyndaǵy «Aıala» arnaýly áleýmettik qyzmet kórsetý ortalyǵynda pallıatıvti jáne daǵdarys tobyndaǵy 41 bala psıholog, defektolog, logoped mamandardyń qyzmetterimen qamtylmaǵan. Bul ortalyqtaǵy jalpy bala sanynyń teń jartysy.

Budan bólek, emdelýshilerge psıhotroptyq preparattardy shamadan tys taǵaıyndaıtyndar anyqtaldy. Atalmysh mekemede 1 aı em-dom qabyldaǵan bala hlorpromazınniń 25 mg dozadasyndaǵy 186 tabletkasyn ishken.

«Tekserýler barysynda keıbir ortalyq qyzmetkerleriniń balalarǵa kúsh qoldanyp, psıhologııalyq qysym kórsetkendigi belgili boldy. Olardyń qatarynda kútýshiler, ádiskerler, dárigerler jáne tipti dırektorlar da bar. Balalar óz sózderinde ortalyq mamandarynyń túnde ishimdik ishetindigin de aıtty. Rasymen de monıtorıng kezinde bir ortalyqtaǵy shkaftardyń birinen bos alkogol bótelkeleri tabylǵan bolatyn», - dedi L.Aqataeva.


Avtor Talǵatjan Muhametbekuly
Basty sózder: Qoǵam, Bilim,
Joǵary qaraı