Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Balalardyń kitap oqýyn qoldaý jyly 2023 jylǵa deıin uzartyldy

2021 jyldyń 27 jeltoqsan 2021 12:47

NUR-SULTAN. QazAqparat – Balalar men jasóspirimderdiń kitap oqýyn qoldaý jylyn 2023 jylǵa deıin jalǵastyrý sheshimi qabyldandy, dep habarlaıdy QazAqparat tilshisi.

Balalar ádebıeti jyly aıasynda Mádenıet jáne sport mınıstrligi memlekettik tapsyryspen shyǵarǵan 40 kitapty tanystyrǵan edi.

«Basylyp shyqqan ádebıetterdiń 34-i – otandyq qalamgerler týyndysy bolsa, altaýy – álem balalar ádebıetiniń aýdarmalary. Atap aıtqanda, otandyq tanymal avtorlar Aqseleý Seıdimbek, Gerold Belger, Nesipbek Aıt, Sháken Kúmisbaıuly, Orazaqyn Asqar, Salyqbaı Ábdildábek, Naǵashybek Qapalbekuly, Serik Baıqonov, Serik Qalıuly, Zarıa Jumanova jáne basqa da talantty avtorlardyń shyǵarmalary. Aýdarma ádebıet arasynda japon balalar ádebıeti de bar.

Osyndaı oń bastamalardy jalǵastyrý maqsatynda Balalar men jasóspirimderdiń kitap oqýyn qoldaý jylyn 2023 jylǵa deıin jalǵastyrý týraly sheshim qabyldandy. Bul bastamalar balalar men jasóspirimder ádebıetiniń klassıkalyq jazýshylary – Berdibek Soqpaqbaev, Saıyn Muratbekov, Sansyzbaı Sarǵasqaev syndy búgingi kúnniń balalar ádebıeti jazýshylarynyń qalyptasatynyna yqpal etetinine zor senimdemiz. Búgin tusaýy kesilgen jınaqtar balalar men jasóspirimder arasynda kitap oqý mádenıeti men belsendiligin arttyryp, kitap oqý mártebesin kóteredi dep esepteımiz», - dedi QR Mádenıet jáne sport mınıstri Aqtoty Raıymqulova elordadaǵy QR Ulttyq akademııalyq kitaphanasyndaǵy tusaýkeserde.

Kitaptar arnaıy logotıppen jáne 120 myń tırajben basylǵan jáne elimizdiń barlyq óńirindegi kitaphanalarǵa taratylǵan.

Jalpy Balalar ádebıeti jyly aıasynda mınıstrlik qoǵamdyq mańyzy bar 168 ádebıetti 492 myń danamen basyp shyǵarǵan jáne taratqan.


Joǵary qaraı