Aýa raıy
Astana -3 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Balalardyń medıtsınalyq-áleýmettik mekemelerin tekserý sharasy eki aptada aıaqtalady

2020 jyldyń 20 qarasha 2020 14:05

NUR-SULTAN. QazAqparat – Qazaqstanda balalardyń arnaıy medıtsınalyq-áleýmettik mekemeleriniń jumysy aldaǵy eki aptada tolyq tekserilip bolady.

Bul týraly Eńbek jáne halyqty áleýmettik qorǵaý vıtse- mınıstri Erlan Áýkenov málim etti, dep habarlaıdy QazAqparat tilshisi.

«Qazirgi ýaqytta QR Bala quqyqtary jónindegi ýákildiń, basqa da jaýapty memlekettik organ ókilderiniń qatysýymen balalardyń arnaıy medıtsınalyq-áleýmettik mekemeleriniń jumysy tekserilip jatyr. Naqtyraq aıtqanda ol ortalyqtardaǵy zańnamanyń saqtalýy qatań qadaǵalanady. Búginge, ıaǵnı 20 qarashaǵa deıin balalardyń arnaıy medıtsınalyq-áleýmettik mekemeleriniń 20-nyń 18-in tekserdik. Atap aıtqanda eń birinshi tekserý jumystaryn shý shyqqan Aıagóz aýdanynan bastadyq. Aldaǵy eki aptanyń ishinde bul tekserý jumystaryn aıaqtaımyz. Monıtorıng toptarynyń jumysyn qorytyndysy boıynsha jınaqtalǵan aqparatty halyqqa taratamyz», - dedi Erlan Áýkenov «Balalyq shaqty qorǵaý júıesiniń tıimdiligi jáne balanyń ál-aýqaty: memleket pen azamattyq qoǵamnyń birigýi» taqyrybynda baspasóz máslıhatynda.

Eske sala ketsek baspasóz máslıhatynda QR Bala quqyqtary jónindegi ýákil Arýjan Saın balalardyń shyǵarmashylyq jáne sporttyq úıirmeleriniń tegin bolýyn shektep turǵan kedergilerdi ataǵan edi.

Onyń aıtýynsha, balalarǵa tegin úıirme uıymdastyrýǵa ákimdikter yńǵaı tanyta qoımaǵan, ıaǵnı bıýdjetten bul maqsatta qarajat bólgisi kelmeı otyr.

Esterińizge sala ketsek, osy jyldyń mamyr aıynda Aıagózdegi áleýmettik kómek ortalyǵynda 4 balanyń qaıtys bolǵandyǵy habarlanǵan edi.

QR Іshki ister mınıstrligi istiń tergelýin óz baqylaýyna aldy. Osy oqıǵadan keıin QR Eńbek jáne halyqty áleýmettik qorǵaý mınıstrligi elimizdiń ár óńirinde ornalasqan medıtsınalyq-áleýmettik kómek kórsetetin 113 mekemege tekserý júrgiziletinin málim etti. Onyń ishinde Aıagózdegi balalarǵa arnalǵan arnaıy áleýmettik kómek ortalyǵy bar.


Joǵary qaraı