Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Balalardyń jazǵy demalysyna 4,4 mlrd teńge jumsalady

2021 jyldyń 22 qazan 2021 19:11

NUR-SULTAN. QazAqparat – Bıyl jazǵy demalys kezinde eldegi 1,8 mıllıonnan astam bala saýyqtyrý lagerlerinde demalǵan, dep habarlaıdy QazAqparat tilshisi.

Bul týraly QR Premer-Mınıstri Asqar Mamın Senat ókilderiniń depýtattyq saýalyna bergen jaýabynda aıtty.

«Balalardyń saýyqtyrý demalysyn qamtamasyz etý úshin «2020-2023 jyldardyń kanıkýl kezeńinde balalardyń saýyqtyrý demalysyn, bos ýaqytyn jáne jumyspen qamtylýyn uıymdastyrý týraly» Qazaqstan Respýblıkasy Premer-Mınıstriniń 2020 jylǵy 14 qańtardaǵy №1-ókimi qabyldandy», - dep jazylǵan úkimet basshysynyń jaýabynda.

Onyń aıtýynsha, bıyl jazda demalyspen jáne saýyqtyrýmen 1 863 228 bala qamtylǵan.

Onyń ishinde «Baldáýren» respýblıkalyq oqý-saýyqtyrý ortalyǵynda jyl saıyn 15 myńnan astam oqýshy demalyp, ońaltýdan ótedi.

«2021-2024 jyldarǵa arnalǵan respýblıkalyq bıýdjette balalardy saýyqtyrý, ońaltý jáne olardyń demalysyn uıymdastyrý úshin 4,4 mlrd teńge qarastyrylǵan. Balalardyń demalysyn, jumyspen qamtylýyn, saýyqtyrý jáne ońaltý sharalarymen qamtamasyz etý máseleleri Úkimettiń turaqty baqylaýynda», - dep túıindedi Asqar Mamın.


Joǵary qaraı