Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Balalaryna alıment tóleýden qashyp júrgen áıel Ózbekstannan tabyldy

2021 jyldyń 26 qazan 2021 14:38

PAVLODAR. QazAqparat – Pavlodar oblysynyń polıtsııasy alıment tóleýden jaltaryp júrgen 192 adam men 95 boryshkerdiń júrgen jerin anyqtady, dep habarlaıdy QazAqparat.

«Bıyl Pavlodar oblysyndaǵy kóshi-qon polıtsııasynyń qyzmetkerleri alıment tóleýden jaltaryp júrgen 192 adam men 95 boryshkerdiń júrgen jerin anyqtady», - dep baıandady Pavlodar oblystyq polıtsııa departamentiniń baspasóz qyzmetinen.

Osylaısha, alıment tólemeı, 2019 jyldan beri izdeýde bolǵan 27 jastaǵy er adam Almaty qalasynan tabyldy.

Sonymen qatar, alıment tóleý áıel adamǵa júkteletin jaǵdaılar da jıi kezdesedi.

«Shymkent qalasynda turǵan áıel osyndaı jaǵdaıǵa túsken. Ol Ózbekstannan tabyldy. Burynǵy kúıeýi – Ýspen aýdanynyń turǵyny zańdy jubaıyn taýyp berý ótinishimen polıtsııaǵa shaǵymdanǵan», - dep qosyp ótti oblystyq polıtsııa departamentinen.

Pavlodar oblystyq polıtsııa departamenti kóshi-qon basqarmasy bastyǵynyń orynbasary Qazbek Ahmetovtiń yqylassyz ata-analar men josyqsyz boryshkerlerdi izdeýge kóp kúsh pen qarajat jumsalatynyn aıtty.

«Jyldyń basynan beri alıment jáne qaryz tóleýden jaltaryp júrgenderdi tabý úshin polıtseıler túrli mekemelerge shamamen 700 suratý salǵan. «Avtopotok» jáne «Integra» avtomattandyrylǵan júıelerine kólik quraldary týraly málimetter engizildi», - dep málimdedi ol.

Budan basqa, Qazaqstan asyp ketken boryshkerlerge qatysty hattar sol elderdiń ishki ister organdaryna hattar joldandy, dep atap ótti Q.Ahmetov.


Basty sózder: Oqıǵa, Pavlodar oblysy, Ózbekstan, Zań,
Joǵary qaraı