Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Balany tegin úıirmelerge qalaı jazdyrýǵa bolady

2021 jyldyń 16 maýsym 2021 19:00

NUR-SULTAN. QazAqparat – QR Mádenıet jáne sport mınıstrligi Mádenıet komıteti tóraǵasynyń orynbasary Kúmis Seıitova balany shyǵarmashylyq úıirmege qalaı jazdyrýǵa bolatynyn túsindirdi, dep habarlaıdy QazAqparat tilshisi.

«Balany kezekke qoıýǵa Artsport.Edu.kz platformasy arqyly elektrondy ótinish berý qajet. Kezek árbir shyǵarmashylyq úıirmege jeke qurylady. Kezektegi ótinish berý kúni men ýaqyty boıynsha dál sekýndqa deıin suryptalady. Munda esh jeńildik joq. Oryn aýystyrýǵa bolmaıdy», - dedi spıker Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, kezek jaqyndaǵan kezde kún saıyn saǵat 18.00-de ár balaǵa avtomatty rejımde vaýcher beriledi.

Vaýcher – balaǵa berilgen biregeı nómir, onda kórsetiletin qyzmettiń naqty jetkizýshisi, úıirmeniń túri men ornalasqan jeri kórsetiledi.

Bir bala shyǵarmashylyq, sport jáne bilim tapsyrysy sheńberinde eki ǵana sport sektsııasyna nemese úıirmege qatysa alady.

Osylaısha bala 2 úıirmege, eki sport sektsııasyna nemese 1 sektsııaǵa jáne 1 úıirmege qatyssa, júıe úshinshi ótinimin qabyldamaıdy.

«Balaǵa vaýcher berilgen soń ol zańdy ókildiń elektrondy kabınetinde jáne ol tańdaǵan qyzmet kórsetýshide bir ýaqytta kórsetiledi. Vaýcherdiń qoldanylý merzimi 10 jumys kúni jáne uzartylmaıdy. Osy ýaqyt ishinde vaýcherde kórsetilgen balanyń zańdy ókili jáne qyzmet kórsetýshi shart jasasady. Zańdy ókil osy kezeńde qyzmet kórsetýshiniń biliktiligin baǵalap, sheshim qabyldaýy úshin 2 synaq sabaǵynan ótýge quqyly», - dep túsindirdi K. Seıitova.


Joǵary qaraı