Aýa raıy
Astana 9 °S
Almaty 10 °S
valıýta baǵamy
USD 412.55
EUR 468.66
RUB 5.79
CNY 58.80

Balqash qalasynyń ákimdigi Aýǵan soǵysy ardagerine úsh bólmeli páterdiń kiltin tabys etti

2020 jyldyń 6 tamyz 2020 13:25

BALQASh. QazAqparat - Apatty jaǵdaıdaǵy úıde turatyn, Aýǵan soǵysynyń ardageri Bolatbek Qalıbekov 5 tamyzda Balqashta úsh bólmeli páterdiń kiltin aldy. Turǵyn úıdi alýǵa «Tastemir» JShS járdemin berdi, dep habarlaıdy QazAqparat Qaraǵandy oblysy ákimdiginiń resmı saıtyna silteme jasap.

2020 jyldyń qańtarynda Balhash qalasynyń ákimi Oraz Táýirbekovke Aýǵan soǵysynyń múgedekteri men ardagerleriniń jaýyngerlik baýyrlastyǵynyń ókilderi keldi. Olar Aýǵan soǵysynyń ardageri Bolatbek Qalıbekov týraly, onyń ómirlik jary, uly men múgedek anasynan quralǵan otbasy jaıynda, olardyń ortalyq sý qubyry barmaıtyn apatty úıde turatyndyǵy jaıly aıtyp berdi.

Bolatbek Qalıbekov Aýǵanystandaǵy ınternatsıonaldyq paryzyn oryndaý barysynda jaralanǵan bolatyn. Ýaqyt óte kele onyń densaýlyǵy syr bere bastady. Oǵan turaqty túrde emdelý qajet.

Osyǵan qaramastan, Bolatbek «Qazaqmys» korporatsııasynda 25 jyl boıy avtotıeýshi bolyp jumys isteıdi.

Oraz Taýrbekov Qalıbekovtar otbasynyń máselesine beıjaı qaraı almaı, turǵyn úıdiń máselesin sheship berýdi ýáde etti. Sol sózin jerge tastamaı 5 tamyzda qala basshysy Bolatbek Qalıbekovqa úsh bólmeli páterdiń kiltin tabys etti.

Aýǵan soǵysynyń ardagerine jaıly jabdyqtalǵan páterdi «Tastemir» JShS demeýshilik kómeginiń arqasynda satyp alýǵa yńǵaıy týdy.


Basty sózder: Qaraǵandy oblysy,
Joǵary qaraı