Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Balqash qalasynyń polıtseıleri urlanǵan kólikti ıesine qaıtaryp berdi

2021 jyldyń 16 qyrkúıek 2021 14:15

BALQASh. QazAqparat – Balqash turǵyny dúkeniniń janynda turǵan jergilikti kásipkerdiń avtokóligin urlap ketken. Alaıda ury polıtsııadan qashyp qutyla almady. Az ýaqyt ótkennen keıin tártip saqshylary ony quryqtap, kólikti ıesine qaıtardy, dep habarlaıdy QazAqparat tilshisi.

11 qyrkúıekte Qaraǵandy oblysy Balqash qalasynyń polıtsııa bólimine jeke kásipkerlikpen aınalysatyn 42 jastaǵy qala turǵyny júgindi.

Áıeldiń aıtýynsha, belgisiz bireý onyń dúkeniniń janyna turaqqa qoıǵan kóligin urlap ketken. Shyǵyn somasy - 4 mln 500 myń teńge.

«Jedel-izdestirý sharalary barysynda jedel-tergeý tobynyń qyzmetkerleri 53 jastaǵy er adamdy ustady. Kúdikti óz kinásin moıyndady. Urlanǵan kólik tárkilenip, jábirlenýshige berildi», - dep habarlady Qaraǵandy oblysynyń polıtsııa departamenti.

Atalǵan fakti boıynsha QR QK 200-baby «Avtomobıldi urlaý maqsatynsyz zańsyz ıelený» boıynsha qylmystyq is qozǵaldy.

Tergeý amaldary júrip jatyr.


Joǵary qaraı