Balqash mańynda «Ekaterınbýrg - Almaty» joly jabyldy
QARAǴANDY. QazAqparat – Balqash mańynda «Ekaterınbýrg - Almaty» joly jabyldy, dep habarlaıdy QazAqparat.
«Qazaqavtojol» kompanııasynyń málimeti boıynsha 28 qarashada saǵat 21:20-de aýa raıynyń nasharlaýyna baılanysty (kóktaıǵaq, qatty jel) júk jáne qoǵamdyq avtokólik túrlerine «Ekaterınbýrg - Almaty» a/j ýchaskesinde (1854 - 2005 km, Balqash q. – Jambyl oblysynyń shekarasy) qozǵalys shektetildi.
Eske sala ketsek, saǵat 13:20-da Túlkibas aýdanynda aýa raıynyń nasharlaýyna baılanysty «Almaty-Tashkent-Termez» respýblıkalyq mańyzy bar a/j ýchaskesinde avtokóliktiń barlyq túri úshin qozǵalys jabyldy (593-654 km, Jambyl oblysynyń shekarasy-Mashat asýy).
