Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Balkonnan kirdi: Stepnogorskide páterde qamalyp qalǵan balalar qutqaryldy

2021 jyldyń 29 qyrkúıek 2021 00:15

STEPNOGORSK. QazAqparat – Aqmola oblysynda úıinde qamalyp qalǵan eki baldyrǵan balkon arqyly qutqaryldy, dep habarlaıdy QazAqparat.

«28 qyrkúıek kúni Stepnogorsk qalasynyń órt sóndirýshi-qutqarýshylaryna Stepnogorsk qalasy, 9-shaǵynaýdan mekenjaıy boıynsha páterge kirý úshin polıtsııa qyzmetkerlerine kómek qajettigi týraly telefon habarlamasy kelip tústi.


Kelgen boıda 5 qabatty úıdiń 2-shi qabatynda syrtqy esikti ishinen jaýyp alyp, asha almaı turǵan kishkentaı balalar bar ekeni belgili boldy. 3-MÓSB kezekshi aýysymy jaǵdaıdy baǵalap, polıtsııa qyzmetkerleriniń qatysýymen úsh ıindi baspaldaqtyń kómegimen balkon arqyly páterge kirdi. Balalar qutqaryldy», - dedi QR Tótenshe jaǵdaılar mınıstrliginiń resmı ókili Talǵat Ýálı.

«Aǵasy men qaryndasy eki-úsh jasta bolsa da, balalardyń bizden qoryqpaǵany qýantady. Ata-analarǵa balalarǵa órt sóndirýshiler týraly buryn aıtqandary úshin rahmet. Óıtkeni olar bizdi kórip, jylamady. Ata-analardan balalaryn jalǵyz qaldyrmaýdy suraımyz. Bul joly barlyǵy sátti aıaqtaldy, biraq kóbinese balalar, jalǵyz qalǵanda sirińkemen oınaıdy, mundaı kezderde qaıǵyly jaǵdaı oryn alýy múmkin» – dedi Stepnogorsk qalasynyń 3-MÓSB aǵa ınjeneri Ahetov Rýslan.


Joǵary qaraı