Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bank qyzmetkerimin degen alaıaq Aqtóbe turǵynynyń qomaqty aqshasyn jymqyrdy

2021 jyldyń 9 jeltoqsan 2021 14:38

AQTÓBE. QazAqparat – Aqtóbelik ózin bank qyzmetkerimin dep tanystyrǵan adamǵa aldanyp qaldy. Ol bank shotyndaǵy 780 myń teńgesinen aıyryldy, dep habarlaıdy QazAqparat tilshisi.

Aqtóbe oblystyq polıtsııa departamentine 34 jastaǵy áıel habarlasyp, kómek surady.

Ol uıaly telefon nómirine qońyraý shalǵan adamǵa senip, bank esepshotyndaǵy 780 myń teńgesinen aıyryldy.

«Banktiń «jalǵan» qyzmetkeri áıeldiń senimine kirip, onyń shotynan 780 000 teńge aqshany jymqyrǵan. Aldanǵan áıel polıtsııaǵa júgindi. Polıtsııa qyzmetkerleri kúdikti adamdy anyqtaýǵa jáne ustaýǵa baǵyttalǵan jedel is-sharalar júrgizip jatyr. Qylmystyq kodekstiń «Alaıaqtyq» baby boıynsha sotqa deıingi tergeý bastaldy. Osy baptyń sanktsııasy boıynsha múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan úsh jylǵa deıingi merzimge aıyrylady.Tipti tórt myń aılyq eseptik kórsetkishke deıingi mólsherde aıyppul salýdy ne sol mólsherde túzeý jumystaryn ne bir myń saǵatqa deıingi merzimge qoǵamdyq jumystarǵa tartýdy ne tórt jylǵa deıingi merzimge bas bostandyǵyn shekteýdi ne sol merzimge bas bostandyǵynan aıyrý kózdelgen», - dedi oblystyq PD baspasóz qyzmetiniń jetekshisi Erbolat Sarqulov.

Polıtsııa departamenti derbes derekterdi, karta derektemelerin, ınternet banktegi jeke kabınettiń logıni nemese parolin telefon arqyly basqa bireýge aıtpaýǵa keńes beredi.


Joǵary qaraı