Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Bar ómirin adam emdeýge arnady ol – áriptesteri Qalıhan Qozbaǵarov týraly

2020 jyldyń 13 shilde 2020 14:58

AQTÓBE. QazAqparat – Aqtóbe oblystyq ınfektsııalyq aýrýhananyń bas dárigeri qyzmetin atqarǵan Qalıhan Qozbaǵarovty áriptesteri «ákemizdeı bolǵan jan» dep eske alady. Ol 60 jasynda indetke shaldyǵyp, kóz jumdy. Búgin Prezıdent Jarlyǵymen Qazaqstannyń Eńbek Eri atandy, dep habarlaıdy QazAqparat tilshisi.

Qalıhan Qozbaǵarov Aqtóbe oblysynda dúnıege kelgen. 1983 jyly Aqtóbe memlekettik medıtsına ınstıtýtyn, emdeý fakýltetin bitirgen. Internatýrany aıaqtaǵannan keıin Hromtaý qalasynyń aýdandyq aýrýhanasyna dáriger –ınfektsıonıst qyzmetine jiberildi.

1985 jyly nevropatolog - dáriger bolyp qyzmet atqardy. 1997 jyldan bastap Hromtaý aýmaqtyq - medıtsınalyq birlestiginiń bas dırektory, 1999 jyldan bastap Hromtaý aýdandyq densaýlyq saqtaý bóliminiń meńgerýshisi, 2003 jyldan 2012 jylǵa deıin Hromtaý ortalyq aýdandyq aýrýhanasynyń bas dárigeri bolyp eńbek etti. 2012 jyl jeltoqsan aıynan kúni búginge deıin Aqtóbe oblystyq ınfektsııalyq aýrýhananyń bas dárigeri qyzmetin atqardy.

«Hromtaý aýdannyń densaýlyq saqtaý júıesinde jumys istegen kezinde Q. Qozbaǵarov ózin uıymdastyrýshy jáne quzyretti basshy qabiletti bilikti maman retinde kórsetti. Onyń basshylyǵymen aýdannyń densaýlyq saqtaý salasy jyl qorytyndysy boıynsha birneshe ret úzdik dep tanylyp, oblysta birinshi orynǵa ıe boldy. 2001 jyly «Qazaqstan Respýblıkasynyń táýelsizdigine 10 jyl» medalimen marapattaldy. 2002 jyly Qazaqstan Respýblıkasynyń dárigerleri men provızorlarynyń ekinshi seziniń delegaty bolyp saılandy. 2002 jyly «Qazaqstan Respýblıkasynyń densaýlyq saqtaý isiniń úzdigi» tósbelgisimen marapattaldy», - dep jazdy oblystyq klınıkalyq ınfektsııalyq aýrýhanasynyń kásipodaq uıymynyń tóraıymy B.Qojıeva.

Áriptesteri Qalıhan Qozbaǵarovtyń ómiriniń sońǵy kúnine deıin aýrýhanada em júrgizgenin aıtyp, eske aldy.

«Qalıhan Qozbaǵarov bar kúsh-jigerin jumysqa arnady. Sonymen birge áriptesterine talapshyl boldy. Biz basshymyzdyń jarqyn beınesin máńgi este saqtaımyz. Shynyn aıtqanda, ol qyzmetke kelgen soń qajetti qural-jabdyq satyp alý, medıtsınalyq preparattarmen qamtamasyz etý isi jandandy. Ómiriniń sońǵy kúnine deıin jumysta júrdi. Em qabyldady, jansaqtaý bólimine túskenge deıin janymyzdan tabyldy. Bir kúni zerthanada tańǵa deıin júrgen edim. Ol da úıine ketpedi, birge boldy. Senbi, jeksenbi kúni de aýrýhanada júretin. Ákemizdi, týǵan baýyrymyzdy joǵaltqandaı kúı keship júrmiz», - dedi oblystyq ınfektsııalyq aýrýhananyń bólim meńgerýshisi Nurjamal Esenǵalıeva.

Eske salsaq, Qalıhan Qozbaǵarov indetke shaldyǵyn kóz jumdy. Ony áriptesteri aqtyq saparǵa shyǵaryp saldy.


Joǵary qaraı