Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Baraholkada» birneshe konteıner órtendi

2021 jyldyń 21 qyrkúıek 2021 13:13

ALMATY. QazAqparat - Almatyda «Qazyna» bazarynda halyq tutyný taýarlary saqtalǵan eki qabatty birneshe konteıner órtenip ketti, dep habarlaıdy QazAqparat tilshisi.

Qalalyq TJD baspasóz qyzmeti taratqan aqparatqa súıensek, órt týraly habarlama túski saǵat 12:14-te túsken.
«Almaty qalasy TJD kúshteri men quraldary joǵary dárejeli shaqyrtý boıynsha Alataý aýdany, Soltústik aınalym, 34 «Qazyna» saýda ornyna jiberildi. Órt sóndirýshiler oqıǵa ornyna 6 mınýtta jetti. Olar jalpy alańy 120 sharshy metr aýmaǵynda materıaldyq qundylyqtary bar birneshe eki qabatty konteınerdiń janyp jatqanyn anyqtady. Órttiń jaqyn mańynda ornalasqan konteınerlerge kóshý qaýipi týyndady»,-dep habarlady Almaty qalalyq Tótenshe jaǵdaılar departamentiniń baspasóz qyzmeti.
Alǵashqy bólimshe barlaý barysynda «sý az qamtylǵan» aýdan týraly habarlady, sondyqtan órt sóndirý avtotsısternalarymen sý jetkizý jumystary dereý uıymdastyryldy, osylaısha sýdy úzdiksiz berý qamtamasyz etildi.
Oqıǵa ornynda Jedel Shtab, 2 jaýyngerlik ýchaske quryldy. 40 maman men 14 birlik tehnıka jumyldyryldy.
Jol polıtsııasynyń kúshimen joldy qorshaý qamtamasyz etildi.
Qabyldanǵan sharalardyń arqasynda órt 18 mınýtta oqshaýlandy.





Avtor Alma Muqanova
Basty sózder: Almaty, Oqıǵa,
Joǵary qaraı