Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Barlyq balabaqsha tárbıeshilerine jeńildikpen úı alý múmkindigin berý usynyldy

2022 jyldyń 13 mamyr 2022 14:35

NUR-SULTAN. QazAqparat – Jekemenshik balabaqshalardyń tárbıeshilerine de jeńildikpen baspana alý múmkindigin berý kerek. Bul týraly Qazaqstannyń úzdiksiz bilim berý qaýymdastyǵynyń tóraǵasy Leıla Kúlenova aıtty, dep habarlaıdy QazAqparat tilshisi.

Qaýymdastyq basshysynyń aıtýynsha, elimizde balabaqshalardyń tárbıeshileri úshin zańnamada biliktilikterine tólemder men ústemeaqy qarastyrylǵan. Alaıda, bıýdjette bul maqsatqa qarajat qarastyrylmaıdy.

«Ákimdik memlekettik balbaqshalarǵa qarjyny jergilikti bıýdjetten beredi. Sondyqtan da tárbıeshiler memlekettik balabaqshaǵa jumysqa turý úshin barlyq múmkindikti izdeıdi. Munyń ústine olar jeńildikpen páter ala alady. Al bizdiń tárbıeshilerimizde ondaı múmkindik te joq. Bizdiń de tárbıeshilerimizge tym bolmasa jaldamaly páter, jeńildikpen nesıe alý múmkindigi berilse durys bolar edi. Onyń qaı jerde jumys istegeniniń esh aıyrmashylyǵy joq qoı», - dedi Leıla Kúlenova.

Sonymen qatar qaýymdastyq ókilderi jekemenshik balabaqsha tárbıeshilerin memlekettik turǵyn úı baǵdarlamasyna qatysýshylardyń tizimine qosýdy usynyp otyr.


Avtor Marlan Jıembaı
Basty sózder: Bilim,
Joǵary qaraı