Aýa raıy
Astana 15 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

«Barys» QHL-ǵa qatysa ma – Lıga basshysy jaýap berdi

2020 jyldyń 13 shilde 2020 23:48

NUR-SULTAN. QazAqparat - Elordalyq «Barys» qurlyqtyq hokkeı lıgasy turaqty kezeńine qatysýdan bas tartqan joq. Bul jóninde Qurlyqtyq hokkeı lıgasynyń basshysy Alekseı Morozov málim etti, dep habarlaıdy QazAqparat tilshisi.

Qurlyqtyq hokkeı lıgasynyń resmı saıtynda QHL prezıdenti A.Morozovpen suhbat jarııalandy. Onda Lıga basshysy chempıonatqa daıyndyq jumystaryna qatysty eń ózekti suraqtarǵa jaýap beredi.

Sondaı-aq oǵan: «Qazaqstanda pandemııanyń ekinshi tolqyny bastaldy. «Barystyń» chempıonatqa qatysa almaı qalý yqtımaldyǵy bar ma?», - degen suraq qoıyldy.

A.Morozovtyń aıtýynsha, Qazaqstanda jaǵdaı kúrdeli bolǵanymen, klýb chempıonatqa qatysýdan bas tartpaǵan.

«Biz QHL oıyndaryna qatysatyn komandalar ornalasqan elderdegi epıdemıologııalyq jaǵdaıdy qadaǵalap otyrmyz. Ras, Qazaqstandaǵy jaǵdaı kúrdeli. Degenmen, «Barys» chempıonatqa qatysýdan bas tartqan joq. Jarystyń bastalýyna bir aıdan astam ýaqyt qaldy. Oǵan deıin Qazaqstan koronavırýstyń ekinshi tolqynyn jeńe alady dep oılaımyn. Múmkin klýb maýsym aldyndaǵy daıyndyq josparyna ózgeris engizýge májbúr bolar. Máselen, alǵashqy jıyn ýaqytyn keıingi qaldyrar. Ne degenmen, «Barys» maýsymaralyq negizgi sharalarǵa qatysýdan bas tartpaıdy. Bul, «Qazaqstan Prezıdenti kýbogy» dástúrli týrnırine de qatysty», - dedi lıga basshysy.

Budan buryn hokkeıden Qazaqstan chempıonaty 26 tamyzda bastalatyny habarlandy.


Avtor Ádiljan Úmbet
Basty sózder: Sport,
Joǵary qaraı