Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

«Barys» qurlyq hokkeı lıga oıyndaryna 13 márte qatysýda

2021 jyldyń 2 naýryz 2021 02:16

NUR-SULTAN. QazAqparat - Qurlyqtyq hokkeı lıgasynyń pleı-off satysynda elordalyq «Barys» búgin, 2 naýryzda Reseıde «Metallýrg» (Magnıtogorsk) komandasymen kezdesedi, dep habarlaıdy QazAqparat tilshisi.

Jarys talaby boıynsha pleı-off kezeńiniń shırek fınalynda eki komandanyń bireýi tórt jeńiske jetkenge deıin sozylady.

Alǵashqy kezdesý 2 naýryzda bastalady. Magnıtogorskide sol kúni jáne 4 naýryzda eki oıyn ótedi. Al 6 jáne 8 naýryz kúnderi oıyndar elordada bolady. Qajet bolǵan jaǵdaıda qosymsha oıyndar 10, 12, 14 naýryz kúnderi ótkiziledi.

Aıta keterligi, «Barys» qurlyq hokkeı lıgasyna bıyl 13 márte qatysty. Sonyń on birinde pleı-off satysynda baq synady. 2014, 2017, 2019, 2020 jyldarda jarystyń ekinshi kezeńine shyqty.

Eki komanda buǵan deıin pleı-off satysynda eki márte jolyqty. 2011/2012 jylǵy kezeńde shyǵys konferentsııasynda 1/4 fınalda reseılik klýb oıyndar serııasynda 4:3 esebimen jeńiske jetip, jarysty jalǵastyrýǵa múmkindik aldy.

Al 2016/2017 jylǵy kezeńde eki komanda shyǵys konferentsııasynda jartylaı fınalda jolyǵyp, oıyndar serııasynda elordalyq komanda qarsylasyna 0:4 esebimen ese jiberdi.

2019/2020 jylǵy kezeńde shyǵys konferentsııasynda shırek fınalda «Barys» atalǵan qarsylasyn jalpy serııada 4:1 esebimen qapy qaldyrdy.

Oıyn elorda ýaqytymen saǵat 21.00-de bastalyp, «Qazsport» telearnasynan kórsetiledi.

Esterińizge sala ketelik, budan buryn «Barys» sońǵy týrda «Avangardqa» ese jiberdi.



Avtor Ádiljan Úmbet
Basty sózder: Sport,
Joǵary qaraı