Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Bastaý bıznes: Almatyda 277 adam memlekettik qoldaýǵa ıe boldy

2021 jyldyń 14 qazan 2021 15:36

ALMATY. QazAqparat - Almaty qalalyq kásipkerler palatasynyń dırektory Aıtýar Qoshmambetov óńirlik kommýnıkatsııalar qyzmetiniń baspasóz máslıhatynda «Bastaý bıznes» jobasynyń qalaı júzege asyp jatqany týraly aıtty, dep habarlaıdy QazAqparat tilshisi.

Spıkerdiń sózinshe, bıyl 2 201 áleýetti kásipker kýrstan ótti, onyń 277-si memlekettik qoldaýǵa ıe boldy.

«Bıznestiń bastalýy oqytý barysynda qalanady. «Bastaý bıznes» qatysýshylaryn kásibı bıznes-jattyqtyrýshylar oqytady, olar qandaı qarjy ınstıtýttarynda jáne qandaı sharttar boıynsha isin jańa bastaǵan kásipkerdiń bastapqy kapıtaldy alý múmkindigi bar ekenin aıtady. Jańadan kelgen kásipkerlerge bıznes-jospardy birneshe qadamǵa qalaı bólýge jáne olardy ózderine zııan keltirmesten dáıekti túrde oryndaýǵa bolatyndyǵy túsindiriledi»,-deıdi ol..

Baǵdarlamaǵa qatysýshylarǵa 200 AEK kóleminde granttar bólinedi – bul shamamen 500 myń teńge. Bul aqsha óz isin ashýǵa jetkilikti.

Sonymen qatar, ol «Ýchet.kz» Atameken Business Club platformasy iske qosylǵanyn atap ótti.

Endi nıet bildirýshiler býhgalterlik esep, salyq, kadrlar jáne bıznesti júrgizýdiń basqa da ózekti máseleleri boıynsha tegin onlaın-keńester ala alady.

Sondaı-aq sabaqtardy Amazon, Wildberries, Yandex Go, Ozon jáne Satu.kz sııaqty iri holdıngterdiń ókilderi júrgizedi.

Bıyl Almaty Business – 2021 oqytý baǵdarlamasy iske qosyldy. Ol jumys istep turǵan shaǵyn jáne orta bıznes sýbektilerin akseleratsııalaýǵa baǵyttalǵan.

«Osy baǵdarlama aıasynda jumys istep turǵan kásipkerlerge bıznestiń zamanaýı quraldary úıretiledi. Bıylǵy jyly 1 000 ShOB sýbektisi bilim aldy. Negizinen olar – azyq-túlik jáne azyq-túliktik emes rıteıl, qoǵamdyq tamaqtaný obektileri, qyzmet kórsetý salasy, jıhaz, tamaq jáne tigin óndirisiniń ókilderi», - dedi Aıtýar Qoshmambetov.

Palata dırektory kásipkerlerdi básekelestikten, oqýdan úreılenbeýge shaqyrdy. Onyń pikirinshe, bıznestegi salaýatty básekelestik – damýdyń jaqsy múmkindigi.


Avtor Alma Muqanova
Basty sózder: Almaty, Kásipkerlik, bıznes, Bilim,
Joǵary qaraı