Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Batys Qazaqstan oblysynda 431 oqýshy, 178 muǵalimnen koronavırýs anyqtaldy

2022 jyldyń 28 qańtar 2022 13:10

ORAL. QazAqparat – Batys Qazaqstan oblysynda qańtar aıynda 431 oqýshy, 178 muǵalimnen koronavırýs anyqtaldy, dep habarlaıdy QazAqparat tilshisi.

BQO Sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń Óńirlik kommýnıkatsııalar qyzmeti alańynda ótken brıfıngide málim etkenindeı, sondaı-aq mektepke deıingi balalar uıymynda 42 adamnan, orta arnaýly oqý oryndarynda 24, JOO-da 20 stýdentten indet tabyldy.

Onyń aıtýynsha, jyl basynan beri 5722 naýqas tirkelip, ótken aıdyń osy kezeńimen salystyrǵanda, aýrý juqtyrý kórsetkishi 18,5 ese artty.

Jas erekshelikteri boıynsha 505-i 14 jasqa deıingi balalar bolsa, 156-sy – 15-17, 458-i – 18-25, 1840-y – 26-40, 1811-i – 41-60 jas aralyǵyndaǵylar, 952-si – alpystan asqandar.

Aýyrǵandardyń 2653-i (46,3 paıyzy) – jumys isteıtin adamdar, 1205-i (21 paıyzy) – jumyssyzdar, 860-y (15 paıyzy) – zeınetkerler, 431-i (7,5 paıyzy) – oqýshylar, 178-i (3,1 paıyzy) – muǵalimder, 156-sy (2,7 paıyzy) – medıtsına qyzmetkerleri.

Bulardyń kópshiligi (3073-i) Oral qalasynda, sondaı-aq Báıterek (772), Bórli (686), Terekti (238) jáne Tasqala (185) aýdandarynda tirkelip otyr.

«Sońǵy aptada (21-27 qańtar) aldyńǵymen (14-20 qańtar) salystyrǵanda, indet deńgeıi 26,9 paıyzǵa (2188-den 2997-ge) ósti. Sońǵy táýlikte 513 adamnan anyqtalsa, sonyń 267-si – aýrý belgisi barlar, 246-sy – sımptomy joqtar», dedi N.Mustaev.

Eske sala keteıik, budan buryn BQO-da 5 myńnan asa adamnyń ambýlatorlyq em alyp jatyrǵanyn jazǵan bolatynbyz.


Joǵary qaraı