Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Batys Qazaqstan oblysynda mektepke jalǵan bomba qoıyldy

2022 jyldyń 25 qańtar 2022 18:51

ORAL. QazAqparat – Batys Qazaqstan oblysynda mektepke jalǵan bomba qoıyldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa búgin Terekti aýdany Podstepnyı aýylyndaǵy №1 orta mektepte boldy.

Saǵat 10.40-ta atalmysh mektepke bomba qoıylǵany jóninde 102 nómirine habar túsken, bul týraly VKontakte áleýmettik jelisinde paıdalanýshynyń paraqshasynda jazylǵan.

Barlyq qyzmetter oqıǵa bolǵan jerge jetip, oqýshylar men muǵalimder mektepten túgel shyǵaryldy.

«Aqparat jalǵan bolyp shyqty. Qazirgi ýaqytta tekserý júrgizilýde. Áleýmettik jelidegi paraqshaǵa aqparatty 2005 jylǵy jasóspirim ornalastyrǵan. QR Ákimshilik quqyqbuzýshylyq kodeksi 127-babyna sáıkes hattama toltyryldy», dep habarlady vedomstvodan.


Joǵary qaraı