Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda 230-ǵa jýyq oqýshydan koronavırýs anyqtaldy

2021 jyldyń 22 qazan 2021 13:40

ORAL. QazAqparat - Batys Qazaqstan oblysynda qazan aıynda 226 oqýshy men 47 muǵalimnen koronavırýs anyqtaldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń óńirlik kommýnıkatsııalar qyzmeti alańynda ótken brıfıngide málim etkenindeı, sondaı-aq arnaýly orta oqý oryndarynda 20, JOO-da 9 stýdentten vırýs tabyldy.

Kúni búgin oblys boıynsha 10 mektepte 13 synyptyń muǵalim, oqýshylaryn úı karantınine jiberý týraly 11 qaýly shyǵaryldy.

N.Mustaevtyń sózine qaraǵanda, oblysta jyl basynan beri 29 321 naýqas tirkeldi, bul 100 myń turǵynǵa shaqqanda, 4439,0-den keledi.

Sońǵy aptada (15-21 qazan) aldyńǵymen (8-14 qazan) salystyrǵanda, koronavırýs juqtyrý 14,9 paıyzǵa (367-den 312-ge) tómendedi.

Qazan aıynda oblysta 1070 adamnyń aýyrǵany belgili boldy.

Óńir jasyl aımaqqa kóshkendikten, shekteý sharalary biraz jeńildedi. Degenmen toqmeıilsýge bolmaıdy.

N.Mustaev kórshiles Reseı oblystarynda koronavırýstyń órship turǵanyn, sondyqtan karantın talaptaryn tolyq saqtap, ekpe alyp, ujymdyq ımmýnıtetti qalyptastyrýdyń mańyzdylyǵyn atap ótti.

Eske sala keteıik, budan buryn BQO-da 232 myńnan astam adamnyń koronavırýsqa qarsy ekpe saldyrǵanyn, qazan aıynda 1 myńnan astam adamnyń vırýs juqtyrǵanyn jazǵan bolatynbyz.


Joǵary qaraı