Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda 250 myńǵa jýyq adam koronavırýsqa qarsy ekpe saldyrdy

2021 jyldyń 3 jeltoqsan 2021 22:14

ORAL. QazAqparat - Batys Qazaqstan oblysynda 249 871 adam koronavırýsqa qarsy vaktsınanyń birinshi komponentimen egildi, dep habarlaıdy QazAqparat tilshisi.

BQO densaýlyq saqtaý basqarmasy basshysynyń orynbasary Ashat Balyqovtyń óńirlik kommýnıkatsııalar qyzmeti alańynda ótken brıfıngte málim etkendeı, sonyń 178 742-si «Spýtnık V» vaktsınasyn tańdady.

Sondaı-aq 232 484 adam vaktsınanyń ekinshi komponentin qabyldady.

A.Balyqovtyń aıtýynsha, 2286 adam Pfizer vaktsınasymen egildi. Sonyń 1295-i - jasóspirimder, 78-i - júkti, 912-si - bala emizetin áıelder.

«Oqýshylar ata-analarynyń nemese zańdy ókilderiniń kelisimimen mektepterde arnaıy kabınetterde jáne emhanalarda vaktsına qabyldaýda. Oblysta vaktsına jetkilikti», dedi A.Balyqov.

Eske sala keteıik, budan buryn BQO-da sońǵy aıda 97 oqýshy, 19 muǵalimnen koronavırýs anyqtalǵanyn jazǵan bolatynbyz.


Joǵary qaraı