Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda 33 myńnan astam adam tumaýǵa qarsy egildi

2021 jyldyń 15 qazan 2021 23:46

ORAL. QazAqparat – Batys Qazaqstan oblysynda 33 328 adam tumaýǵa qarsy egildi, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń basshysy Muhamǵalı Aryspaevtyń óńirlik kommýnıkatsııalar qyzmeti alańynda málim etkenindeı, óńirde 15 qyrkúıekten beri tumaýǵa qarsy egý jumystary júrgizilýde.

Onyń aıtýynsha, bul ótkir respıratorlyq aýrýlar kezinde turǵyndardyń tumaýǵa qarsy turaqty ımmýnıtetiniń qalyptasýy úshin jasalady.

Bıyl bıýdjet qarajatyna Reseıde óndirilgen «Grıppol+» vaktsınasynyń 68 myń dozasy satyp alynǵan bolatyn.

«Bir aı ishinde egilgenderdiń 4 709-y – balalar, 28 619-y – eresekter. Eresekterdiń ishinde 17 641-iniń sozylmaly syrqaty bar, 4 511-i – medıtsına qyzmetkeri, 710-y – júkti áıelder. Sondaı-aq jasy 15-ten asqan 822 oqýshy, jabyq mekemelerden (sábıler, balalar úıleri, mektep-ınternat, múgedek balalarǵa arnalǵan ınternat) 358 adam, múgedekter men qarttar úıleriniń 1078 turǵyny ekpe aldy», dedi M.Aryspaev.

Jyl saıyn oblysta turǵyndardyń 10 paıyzdan astamyna ekpe salynady.

Eske sala keteıik, budan buryn BQO-da on mektepte 12 synyptyń karantınge jabylǵanyn, úıinde oqshaýlaný talabyn buzǵandar 6 mln teńge aıyppul tólegenin jazǵan bolatynbyz.

Sondaı-aq BQO-da shekarada sanıtarlyq qadaǵalaý sharalary kúsheıtildi.






Joǵary qaraı