Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda avtokólik 66 jastaǵy áıeldi qaǵyp ketti

2021 jyldyń 29 qarasha 2021 15:02

ORAL. QazAqparat – Batys Qazaqstan oblysynda avtokólik 66 jastaǵy áıeldi qaǵyp ketti, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 28 qarasha kúni keshkisin Báıterek aýdanynda boldy.

Shamamen saǵat 18.50-de 29 jastaǵy áıel júrgizýshi «VAZ-2114» avtokóligimen Trekın aýylynan Oralǵa qaraı kele jatyp, Oral-Kırsanov jolynyń 3-shaqyrymynda jol apatyna ushyrady. Ol jol qozǵalysy qaýipsizdigin qamtamasyz etpeı, kóligimen 1955 jylǵy áıeldi qaǵyp ketti.

Sonyń saldarynan jaraqat alǵan jaıaý júrginshi aýrýhanaǵa jetkizildi.

Qazirgi kezde QR QK 345-babyna sáıkes sotqa deıingi tergeý amaldary júrgizilýde.

Batys Qazaqstanda keshe jańbyr jaýyp, odan keıin qatyryp, joldar kóktaıǵaqqa aınaldy. Oral qalasynda adamdardyń jaıaý júrýi de qıyndap tur. Búgin tańnan bastap qulap, túrli jaraqat alyp, dárigerge júgingender kóbeıdi.

Eske sala keteıik, budan buryn Batys Qazaqstanda avtokólik sıyrǵa soǵylyp, eki adamnyń aýrýhanaǵa jetkizilgenin jazǵan bolatynbyz.



Avtor Eljan Eraly
Basty sózder: Batys Qazaqstan oblysy, Oqıǵa, Kólik,
Joǵary qaraı