Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda Bókeı handyǵynyń 220 jyldyǵy atalyp ótilmek

2020 jyldyń 22 qazan 2020 11:27

ORAL. QazAqparat – Batys Qazaqstan oblysynda aldaǵy jyly Bókeı handyǵynyń 220, Jáńgir han mektebiniń 180 jyldyǵy atalyp ótilmek, dep habarlaıdy QazAqparat tilshisi.

Bókeı ordasy aýdanynyń ákimi Nurlan Rahymjanovtyń aıtýynsha, osyǵan oraı arnaıy komıssııa, jumys toby qurylyp, iske kiristi.

Qazaqstan tarıhynda eleýli orny bar Bókeı handyǵynyń 1801 jyly irgesi qalansa, elimizdegi tuńǵysh bilim ordalarynyń biri – Jáńgir han mektebi 1841 jyly 6 jeltoqsanda ashyldy.




«Qazirgi tańda naqty jospar jasalýda. Oraldaǵy «Bókeılikter» qaýymdastyǵynyń usynys-pikirleri de eskeriledi. Negizgi sharalardy aldaǵy jyldyń kúzine belgileýdi jón kórdik. Oǵan deıin Jáńgir han 1826 jyly otaýyn tikken tarıhı Han ordasy aýylyn jańǵyrtý jumystary júrgiziledi», dedi Nurlan Saǵyntaıuly.

Atap aıtqanda, «Aýyl – el besigi» respýblıkalyq baǵdarlamasy aıasynda aýyldyq mádenıet úıin, Jáńgir han mektebi men onyń eki ınternat ǵımaratyn kúrdeli jóndeý josparlanýda. Qazirgi kezde jobalaý-smetalyq qujattamasy saraptamadan ótýde. Sondaı-aq Jáńgir han jáne Alma Orazbaeva atyndaǵy kóshelerge asfalt jol salynady.




Bókeı handyǵyna baılanysty tarıhı derekterdiń Astrahan, Orynbor sııaqty qalalardyń arhıvterinde jatqany belgili.

Osyǵan oraı reseılik ǵalymdardyń qatysýymen halyqaralyq ǵylymı-tájirıbelik konferentsııa uıymdastyrý oılastyrylýda.




Eske sala keteıik, budan buryn Batys Qazaqstanda úıdiń qabyrǵasyna Jáńgir hannyń beınesi salynǵanyn jazǵan bolatynbyz.




Joǵary qaraı