Aýa raıy
Astana 31 °S
Almaty 35 °S
valıýta baǵamy
USD 412.55
EUR 468.66
RUB 5.79
CNY 58.80

Batys Qazaqstanda dári-dármekti qymbatqa satý derekteri anyqtaldy

2020 jyldyń 9 shilde 2020 21:47

ORAL. QazAqparat - Batys Qazaqstan oblysynda dári-dármekti kóterińki baǵamen satý derekteri anyqtaldy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen túsken málimetke qaraǵanda, zań buzýshylyq dárihana qyzmetkerleri men jekelegen turǵyndar tarapynan kezdesip otyr.

Atap aıtqanda, eki jergilikti turǵyn «Tseftrıakson» men «Novokaındy» kóterińki baǵamen zańsyz satqan. Barlyǵy 380 ampýla «Tseftrıakson» men 380 ampýla «Novokaın» tárkilendi. Sondaı-aq Oral qalasynyń turǵyny «Tseftrıaksondy» ınternettegi habarlandyrý arqyly zańsyz ótkizgen.




Reıd júrgizilgennen bergi tórt kúnniń ishinde dári-dármekti zańsyz (lıtsenzııasyz) ótkizýdiń 5 deregi belgili boldy. Sol sekildi 4 dárihana medıtsına quraldaryn kóterińki baǵamen satqan.

Barlyǵy 425 orama dári-dármek (7 túri), 2 400 dana medıtsınalyq maska tárkilendi.

Anyqtalǵan derekter boıynsha qoldanystaǵy zańnamaǵa sáıkes quqyqtyq baǵa beriletin bolady.

Zańsyz dári-dármek satý oqıǵasynyń kýási bolǵandar 102 jáne 112 telefondary arqyly polıtsııaǵa habarlaı alady. Reıd sharalary odan ári jalǵasýda.

Eske sala keteıik, BQO-da 940 adam koronavırýstan emdelip jatyr.


Joǵary qaraı