Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda eki avtokólik soqtyǵysyp, júrgizýshi aýrýhanaǵa tústi

2021 jyldyń 20 qazan 2021 12:55

ORAL. QazAqparat - Batys Qazaqstan oblysynda eki avtokólik soqtyǵysyp, júrgizýshi aýrýhanaǵa tústi, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, oqıǵa 18 qazan kúni shamamen saǵat 07.00-de Bórli-Aqsaı jolynyń 31-shaqyrymynda boldy.

«VAZ-21099» avtokóliginiń 20 jastaǵy júrgizýshisi qarsy betke shyǵyp ketip, 33 jastaǵy júrgizýshi aıdap kele jatqan «Toıota» avtokóligimen soqtyǵysýǵa jol bergen.

Sonyń saldarynan 20 jastaǵy júrgizýshi jedel járdem kóligimen Aqsaı qalasyndaǵy Bórli aýdandyq ortalyq aýrýhanasyna jetkizildi.

«VAZ-21099» júrgizýshisine qatysty QR Ákimshilik quqyq buzýshylyq týraly kodeksiniń 610-baby 3-bóligine sáıkes hattama toltyryldy.

BQO densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, 20 jastaǵy jigit tobyǵyn syndyryp alǵan. Soǵan ota jasaldy. Jaǵdaıy ortasha aýyr.

Eske sala keteıik, budan buryn BQO-da avtokólik aýdarylyp, eki adamnyń mert bolǵanyn jazǵan edik.



Avtor Eljan Eraly
Basty sózder: Batys Qazaqstan oblysy, Kólik, Oqıǵa,
Joǵary qaraı