Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda indet juqtyrǵan 28 adam jansaqtaý bóliminde jatyr

2021 jyldyń 18 qańtar 2021 19:00

ORAL. QazAqparat – Batys Qazaqstan oblysynda koronavırýs juqtyrǵan 28 adam jansaqtaý bóliminde jatyr, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkendeı, 579 tósektik 7 juqpaly aýrýlar statsıonarynda jatqandar sany 295-ke jetti.

Sondaı-aq 185 tósektik 4 karantın statsıonarynda 31 adam emdelýde.

Osy kezge deıin oblysta indetke 9935 adam shaldyqsa, sonyń 8600-i jazylyp shyqty. 175 adam kóz jumdy.

Sońǵy táýlikte 47, bir aptada 313 adamnyń koronavırýspen syrqattanǵany belgili boldy.

Pnevmonııamen aýyrǵan 256 adam statsıonarlyq, 51-i ambýlatorlyq em aldy. Bul dertten 264 adam qaıtty.

Kúni búgin jasandy tynys alý apparatyna 1, ınvazıvti emes jasandy tynys alý apparatyna 8, ottegi kontsentratoryna 14, ortalyqtandyrylǵan ottegi kózine 60 adam qosylǵan.

Qańtar aıynda otbasy múshelerinen koronavırýs juqtyrǵan 43 bala tirkeldi.

Qarashyǵanaq kenishin ıgerip jatqan «QPO b.v.» kompanııasynda jyl basynan beri 14 adam aýyrsa, sonyń tórteýinen vahtaǵa kirer aldynda, úsheýinen vahtalyq aýysym bitkennen keıin, jeteýinen jumystan tys ýaqytta medıtsınalyq kómekke júgingen kezde anyqtaldy.

Chınarev ken ornyndaǵy «Jaıyqmunaı» JShS-ynda qańtarda 6 adamnyń bireýinen vahtalyq aýysymǵa shyǵar aldynda, beseýinen jumystan tys ýaqytta koronavırýs tabyldy.

Eske sala keteıik, budan buryn Batys Qazaqstanda juqpaly aýrýlar statsıonarynda 260 adam emdelip jatqanyn jazǵan bolatynbyz.


Joǵary qaraı