Aýa raıy
Astana 7 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda karantın bastalǵaly 12 adam úılený toıyn jasaǵan

2020 jyldyń 29 shilde 2020 23:10

ORAL. QazAqparat – Batys Qazaqstan oblysynda gýmanıtarlyq kómek berý isi jalǵasýda. Bul týraly óńirlik jedel shtab otyrysynda aıtyldy, dep habarlaıdy QazAqparat tilshisi.

Oblysqa kelgen gýmanıtarlyq kómekti qabyldaý jáne bólý jónindegi komıssııa hatshysy Gúljaına Bısenǵalıeva málim etkendeı, 29 sáýir men 22 shilde aralyǵynda jeti lek gýmanıtarlyq kómek jetkizilgen.

Atap aıtqanda, Qytaı, Úndistan, Pákistan, Túrkııa, Japonııa, Birikken Arab Ámirlikteri, Reseı, AQSh elderinen, 3 halyqaralyq kompanııa, 8 JShS, 2 jeke qor, barlyǵy 26 demeýshiden kelgen 7434 medıtsınalyq qorǵanys kostıými, 85 042 maska, 70 ýltraqyzyl termometr, 160 ottegi kontsentratory, 400 pýlsoksımetr, 200 respırator, 78 395 býma 35 túrli dári-dármek jáne sanıtaızer men dezınfektsııalyq zattar óńirdegi emdeý mekemelerine taratylǵan.

Sol sekildi 22 shilde kúni Dúnıjúzilik densaýlyq saqtaý uıymynan 25 myń qorǵanys betperdesi, 3600 qorǵanys kózildirigi, 6 700 medıtsınalyq halat, 18 myń medıtsınalyq betperde, 51 myń respıratorlyq betperde kelgen. Túrkııa elinen kelgen qorǵanys quraldary men dári-dármekter de qabyldandy. 28 shildede «BI Group» kompanııasy men «Shuǵyla» qoǵamdyq qory birlesip alǵan 200 dana ottegi kontsentratory oblys aýrýhanalaryna bólindi.

29 shilde kúni jeke azamat Murat Muhambetovtiń demeýshiligimen 30 dana Bobrov apparaty men 12 dana SRAR betperdesi de aýrýhanalarǵa berildi.

«Aldaǵy kúnderi Qytaı, Ýkraına, Ońtústik Koreıa, Izraıl, Mońǵolııa, Majarstan, Birikken Arab Ámirlikterinen gýmanıtarlyq kómek kelmekshi», dedi G.Bısenǵalıeva.

Beınebaılanys arqyly ótken otyrys barysynda oblystyq densaýlyq saqtaý basqarmasynyń basshysy Bolatbek Qaıýpov qazirgi tańda medıtsınalyq mamandardyń qatary JOO men kolledjder túlekteri esebinen tolyǵyp jatqanyn jetkizdi. Óńirde 774 medıtsına qyzmetkeri koronavırýspen aýyrsa, sonyń 477-si jazylyp shyqqan.

Oblys ákiminiń orynbasary Serik Egizbaevtyń aıtýynsha, aldyńǵy shepte júrgen medıtsına qyzmetkerleriniń densaýlyǵyn nyǵaıtý maqsatynda tıisti jumystar jasalýda.

Oral qalasynyń ákimi Abat Shynybekov oblys basshysynyń tapsyrmasyna sáıkes 20 monıtorıng tobynyń karantın kezindegi tártiptiń saqtalýyn qadaǵalaýdy kúsheıtkenin jetkizdi. Sonyń nátıjesinde 8 zańdy tulǵaǵa, 74 turǵynǵa qatysty ákimshilik is materıaldary sotqa joldandy. Sanıtarlyq talaptyń saqtalmaýyna baılanysty «Mırlan» bazaryndaǵy kóterme saýda oryndary «El yrysy» bazary aýmaǵyna kóshirilgen bolatyn.

Qazirgi tańda Zachagan kentindegi mamandandyrylǵan HQO janynan taǵy bir kóterme saýda ornyn ashý máselesi oılastyrylýda. Osyǵan oraı oblys ákimi Ǵalı Esqalıev Terekti aýdany basshysyna Oralǵa tıip turǵan Podstepnyı aýylynan taǵy bir kóterme saýda ornyn ashýdy tapsyrdy. Sonymen qatar karantın sharalaryn saqtaý baǵytyndaǵy basqa da sharalar jalǵasady.

BQO bas memlekettik sanıtar dárigeri Muhamǵalı Aryspaevtyń sózine qaraǵanda, karantın rejımin buzǵandarǵa qatysty 171 ákimshilik hattama toltyrylyp, 11 mln teńge aıyppul salynǵan. Bulardyń kópshiligi – túnde mezgilsiz júrgender. Sondaı sebeppen 131 adam jaýapqa tartyldy.

Sol sekildi shashtaraz, saýna, meıramhana sııaqty oryndarda 17 zańbuzýshylyq anyqtalyp, ıelerine 3 mln astam teńge aıyppul salyndy. Ókinishke qaraı, óńirde túrli kópshilik jıyndar tyıylmaı tur.

Sonyń ishinde 5 shildeden beri 12 úılený toıynyń ótkizilgeni belgili boldy.

Joǵary qaraı