Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda koronavırýsqa qarsy vaktsına saldyrǵandar sany 211 myńnan asty

2021 jyldyń 13 qyrkúıek 2021 16:34

ORAL. QazAqparat – Batys Qazaqstan oblysynda 211 298 adam koronavırýsqa qarsy vaktsınanyń birinshi komponentin saldyrdy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti málim etkenindeı, bul – óńirde egilýge tıis turǵyndardyń (360 myń) 58,7 paıyzy.

Sondaı-aq 179 194 adam (49,8 paıyz) ekpeniń ekinshi komponentin qabyldady.

Aýmaqtyq bólinister boıynsha alda kele jatqan Jánibek aýdanynda 6027 turǵyn (72,7 paıyz) birinshi, 5367-si (64,8 paıyz) ekinshi komponentpen egildi. Sol sekildi Tasqala aýdanynda 6221-i (68,6 paıyz) birinshi, 5368-i (59,2 paıyz) ekinshi komponentti alyp úlgerdi.

Departament málimetine qaraǵanda, Oralda barlyǵy 215 461 adam ekpe alýy tıis bolsa, kúni búgin sonyń 51,8 paıyzy (111 590) birinshi, 43,9 paıyzy (94 670) ekinshi komponentti qabyldady. Ekpe alý jóninen Shyńǵyrlaý, Jańaqala aýdandarynda qarqyn baıaý.

Oblys boıynsha 47 egý kabıneti jumys jasap jatyr.

Eske sala keteıik, budan buryn Batys Qazaqstanda sońǵy tórt kúnde 370 adamnan koronavırýs tabylǵanyn jazǵan bolatynbyz.



Joǵary qaraı