Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda koronavırýspen kúres sharalaryna 4,2 mlrd teńge bólindi

2021 jyldyń 24 qyrkúıek 2021 18:47

ORAL. QazAqparat - Batys Qazaqstan oblysynda koronavırýstyń taralýynyń aldyn alý jáne jol bermeý sharalaryna bıyl 4,2 mlrd teńge bólindi, dep habarlaıdy QazAqparat tilshisi.

BQO ákiminiń orynbasary Aıdar Nuralıevtiń Ortalyq kommýnıkatsııalar qyzmeti aqparattyq alańynda málim etkenindeı, sonymen qatar QR Úkimetiniń rezervinen vaktsınalardy satyp alýǵa 3,4 mlrd jýyq teńge berildi.

Oǵan qosa oblystyń jergilikti atqarýshy organynyń rezervinen vaktsınalardy saqtaý úshin muzdatqysh kameralar men termokonteınerler satyp alýǵa, medıtsınalyq uıymdardy ottegi stantsııalarmen qamtamasyz etýge, tamaqpen, qonaqúımen qamtýǵa, medıtsına qyzmetkerlerin tasymaldaýǵa 478,1 mln teńge jumsaldy.

Oblystyq juqpaly aýrýlar aýrýhanasyna jabdyqtar satyp alýǵa jergilikti bıýdjetten 316,6 mln teńge qaraldy.

Jyl basynan beri 27 849 adam koronavırýs juqtyrsa, sonyń 22 350-i jazylyp shyqty. 582 naýqas kóz jumdy.

Eske sala keteıik, budan buryn BQO-da 95 jastaǵy soǵys ardageriniń vaktsına qabyldaǵanyn jazǵan bolatynbyz.


Joǵary qaraı