Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda koronavırýspen statsıonarda jatqandar sany 400-den asty

2021 jyldyń 10 maýsym 2021 23:32

ORAL. QazAqparat – Batys Qazaqstan oblysynda 1123 tósektik 18 ınfektsııalyq statsıonarda 405 adam em qabyldap jatyr, dep habarlaıdy QazAqparat tilshisi.

BQO densaýlyq saqtaý basqarmasy málim etkendeı, sonyń ishinde Oral qalasyndaǵy 600 tósektik 5 statsıonarda 347 naýqas jatyr.

Jansaqtaý bólimshesinde jatqandar sany 30-ǵa jetti.

Oblysta 1444 tósek-oryn (679-y ınfektsııalyq, 765-i karantındik) rezerv retinde ázirlendi.

Jyl basynan beri óńirde 14074 adam koronavırýs juqtyrsa, sonyń 9253-iniń aýrý belgileri bolsa, 4821-i – sımptomy joqtar.

Aýyrǵandardyń 55,8 paıyzy (7856) Oral qalasynda, 14,3 paıyzy Báıterek, 11,1 paıyzy (1570) Bórli aýdanynda tirkelgen.

Oblysta kovıdti anyqtaıtyn 13 zerthana jumys jasaıdy. Sońǵy táýlikte 2429 zertteý júrgizildi.

Óńirde 74491 adam koronavırýsqa qarsy vaktsınanyń birinshi, 35474-i ekinshi komponentimen egildi.

Vaktsınatsııalaý jumystary jalǵasýda.

Eske sala keteıik, budan buryn Batys Qazaqstanda sońǵy tórt kúnde 285 adamnan koronavırýs tabylǵanyn jazǵan bolatynbyz.

Joǵary qaraı