Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda sońǵy aptada koronavırýs juqtyrý kórsetkishi 7,3 paıyzǵa tómendedi

2021 jyldyń 22 qyrkúıek 2021 22:25

ORAL. QazAqparat - Batys Qazaqstan oblysynda sońǵy aptada aldyńǵymen salystyrǵanda, koronavırýs juqtyrý kórsetkishi 7,3 paıyzǵa tómendedi, dep habarlaıdy QazAqparat tilshisi.

Oblystyq densaýlyq saqtaý basqarmasy málim etkenindeı, pandemııa bastalǵannan beri barlyǵy 36 887 adamnan indet tabyldy.

Sonyń 27 666-sy bıylǵy jyldyń úlesine tıedi. Munyń 19 129-y - aýrý belgisi bar naýqastar.

Qazirgi kezde oblys boıynsha 1094 adam úılerinde ambýlatorııalyq em alýda.

Statsıonarlarda 356 naýqas jatsa, 136-sy Oral qalasyndaǵy modýldik, 106-sy oblystyq juqpaly aýrýlar aýrýhanasynda, 64-i oblystyq kópbeıindi aýrýhanada em qabyldaýda. Qalǵandary aýdandyq aýrýhanalarda.

Basqarma málimetine qaraǵanda, jyl basynan beri balalardyń koronavırýs juqtyrýy kóbeıgeni baıqalady. Bıyl 2485 bala tirkelip, sonyń 2367-si saýyǵyp shyqty. 118-i áli emdelýde.

Eske sala keteıik, budan buryn Batys Qazaqstanda egilýge tıisti turǵyndardyń 60 paıyzdan astamy vaktsına alǵanyn jazǵan bolatynbyz.


Joǵary qaraı