Aýa raıy
Astana -22 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda taǵy bir jańa mektep ǵımaraty paıdalanýǵa berildi

2020 jyldyń 1 jeltoqsan 2020 23:39

ORAL. QazAqparat – Tuńǵysh Prezıdent kúnine oraı Aqjaıyq aýdany ortalyǵy Chapaev aýylynda Abaı atyndaǵy mektep gımnazııasynyń jańa ǵımaraty paıdalanýǵa berildi, dep habarlaıdy QazAqparat tilshisi.

Aýdan turǵyndaryn merekemen quttyqtaǵan oblys ákimi Ǵalı Esqalıev óńirde osyndaı jańalyq-ózgeristerdiń jalǵasyp kele jatqandyǵyn jetkizdi.

Osy Aqjaıyq aýdanynyń ózinde aýyldarǵa «kógildir otyn», aýyz sý qubyry tartylyp, qatqyl tabandy jol salynýda.

Shırek ǵasyrdan astam tarıhy bar, uly aqyn esimin ıelengen mektep gımnazııa shákirtteri endi ishi-syrty birdeı syńǵyrlaǵan jańa ǵımaratta bilim alatyn bolady.





«Qazaqstan Prezdenti Qasym-Jomart Toqaev «Abaı jáne HHІ ǵasyrdaǵy Qazaqstan» atty maqalasynda bizdiń eldi, ultty Abaısha súıýdi úırenýimiz, qazaqtyń ár balasyn ultjandy etip tárbıeleý úshin Abaıdyń sara jolyn jalǵaýymyz kerektigin atap kórsetken bolatyn. Sondyqtan uly aqyn atyndaǵy mektep gımnazııa osy bıik maqsat údesinen kórinip, daryndy da bilimdi shákirtterimen daralanady dep senemiz», dedi óńir basshysy.





«Altım» JShS salǵan úsh qabatty mektep qurylysyna 1275,05 mln teńge jumsaldy. Jańa ǵımaratta 102 oryndyq ashana, oqyrman zaly, májilis zaly, sport zaly jáne basqa bólmeler oryn tepken, túrli kabınetter zamanaýı jabdyqtarmen jasaqtalǵan. Qyryqtan astam muǵalim sabaq beretin 300 oryndyq mektepte 341 oqýshy bilim alady. 100 oryndyq ınternatta aýyldardan kelip oqıtyn shákirtter ornalaspaqshy.





Eske sala keteıik, budan buryn Oralda mektep-lıtseıdiń jańa ǵımaratqa kóshkenin, 200-ge jýyq otbasy baspanaly bolǵanyn jazǵan edik.


Sýretterdi túsirgen Nurbek Ihsan






Avtor Eljan Eraly
Basty sózder: Qurylys, Batys Qazaqstan oblysy,
Joǵary qaraı