Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda jazýshy Járdem Tilekovke músin ornatyldy

2021 jyldyń 23 qarasha 2021 20:05

ORAL. QazAqparat – Batys Qazaqstan oblysynda belgili jazýshy Járdem Tilekovtiń (1911-1980) 110 jyldyǵyna arnalǵan mereıtoılyq is-sharalar márege jetti, dep habarlaıdy QazAqparat tilshisi.

Búgin qalamgerdiń týǵan jeri – Syrym aýdany Araltóbe aýylyndaǵy mektep aldynda jazýshy músini saltanatpen ashyldy.

Saltanatqa qatysýshylar sondaı-aq «Jaýynger jazýshynyń máńgilik álemi» atty oblystyq ǵylymı-tájirıbelik konferentsııada óz oı-tolǵamdaryn ortaǵa saldy.

Aýdan ákimi Tólegen Tóreǵalıev jazýshynyń esimin máńgi este qaldyrý baǵytyndaǵy is-sharalar budan keıin de jalǵasatynyn atap ótti.

«Járdem Tilekov – zertteýshiler nazarynan tys qalǵany bolmasa, birneshe poema, roman, povester jazǵan aqyn, jazýshy ǵana emes, Ekinshi dúnıejúzilik soǵys kezinde el qorǵaýǵa attanyp, qalamymen de, qarýymen de Jeńiske úles qosqan, kúıshiligimen de kózge túsken maıdanger. Keıin Qazaqstan Jazýshylar odaǵynda jaýapty qyzmetter atqarǵan qaıratker qandaı qurmetke de laıyq», dedi T.Tóreǵalıev.

M.Ótemisov atyndaǵy Batys Qazaqstan ýnıversıtetiniń oqytýshysy, fılologııa ǵylymdarynyń kandıdaty Zeınolla Mútıev qabyrǵaly qalamgerdiń shyǵarmashylyǵy týraly ǵalymdardyń maqalalarynda sholý retinde kirgizilgeni bolmasa, áli kúnge deıin arnaıy dıssertatsııa, monografııa jazylmaǵandyǵyn jetkizdi. Tek sońǵy kezde ǵana baspasóz betterinde maqalalar jaryq kóre bastady.





«Járdem Tilekov áýeli «Kaspıı tolqyny» (keıinnen «Atyraý tolqyny»), «Syrym batyr», «Aqsur at» syndy poemalarymen kórindi. Ásirese, el bastaǵan kósem, sheshen ári batyr Syrym Datulynyń kórkem beınesin jasap, erligi men danalyǵyn dáriptedi. 1952-1953 jyldardan prozaǵa aýysyp, «Jońǵar dalasynda», «Ot keshý» romandaryn, «Qaınar», «Shalǵaı shepte», «Hıngan asýynan asqanda» jáne basqa povest, áńgimelerin jaryqqa shyǵardy. Óz shyǵarmalarynda soǵystyń surapyl shyndyǵyn shynaıy sýretteı bildi.

Sondaı-aq ocherkter jınaǵyn jeke kitap retinde bastyrǵan qabyrǵaly qalamger retinde de erekshelenedi», dedi Z.Mútıev.

Járdem Tilekov pen onyń urpaqtary haqynda udaıy qalam terbep júrgen jýrnalıst Músirbek Aıtashev Araltóbe orta mektebine, sondaı-aq Oral qalasy men Jympıty, Araltóbe

aýyldaryndaǵy kóshelerge jazýshynyń esimin berýdi usyndy.








J.Tilekovtiń nemere aǵaıyny Saǵynǵalı Aıtanov, Oral qalasynda turatyn jıeni Jolaman Tóleýishev jazýshyny qurmettegeni úshin jerlesterine rızashylyǵyn bildirdi.

Konferentsııa barysynda Syrym Datulynyń sheshendik sózderin jáne Járdem Tilekovtiń «Syrym batyr» dastanyn jatqa oqýdan mektepter shákirtteri arasynda alǵash ret

ótkizilgen baıqaý jeńimpaz-júldegerleri marapattaldy.














Foto:Shynar Moldanııazova
Joǵary qaraı