Aýa raıy
Astana -14 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda jol apatynan bir adam kóz jumdy

2020 jyldyń 25 qazan 2020 21:01

ORAL. QazAqparat – Batys Qazaqstan oblysynda jeńil kólik júk kóligimen soqtyǵysyp, júrgizýshi qaza tapty, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa 25 qazan kúni Samara-Shymkent jolynyń 290-shaqyrymynda boldy.

Saǵat 16.17-de Terekti aýdany Bekeı aýyly mańynda «VAZ-2105» kóligi «Mercedes Bens Aktros» júk kóligimen túıisti.

Jedel qutqarý jasaǵynyń kúshimen «VAZ-2105» kóliginde qystyrylyp qalǵan 35 jastaǵy júrgizýshi men onymen qurdas jolaýshy shyǵaryldy.

Júrgizýshi alǵan jaraqattary saldarynan oqıǵa ornynda kóz jumdy.

Jolaýshy jedel járdem qyzmetkerlerine tapsyryldy.

Qazirgi kezde oqıǵanyń jaı-japsary anyqtalý ústinde.

Eske sala keteıik, budan buryn BQO-da jol apatynan bir adamnyń qaza taýyp, taǵy úsheýiniń zardap shekkenin jazǵan bolatynbyz.



Avtor Eljan Eraly
Basty sózder: Batys Qazaqstan oblysy, Oqıǵa,
Joǵary qaraı