Aýa raıy
Astana -8 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda jol apatynan úsh adam qaza tapty

2020 jyldyń 29 qarasha 2020 21:46

ORAL. QazAqparat – Batys Qazaqstan oblysynda jol apatynan úsh adam qaza tapty, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa 29 qarasha kúni Qaztalov aýdany aýmaǵynda boldy.

Saǵat 15.46-da Qaztalov-Chapaev jolynyń 16-shaqyrymynda «Volga» jáne «Lada Granta» avtokólikteri soqtyǵysqany jóninde habar túsken.

Sonyń saldarynan «Lada Granta» avtokóliginiń júrgizýshisi men eki jolaýshysy qaıtys boldy. Kólikte qystyrylyp qalǵan júrgizýshini №11 órt sóndirý bóliminiń qyzmetkerleri alyp shyqty.





«Lada Grantada» bolǵan eki jolaýshy men «Volga» avtokóliginiń júrgizýshisi Qaztalov aýdandyq aýrýhanasyna jetkizildi.

BQO TJ departamenti qolaısyz aýa raıy kezinde barynsha abaı bolý qajettigin eskertedi.

Oblystyq densaýlyq saqtaý basqarmasy baspasóz qyzmetiniń naqtylaýynsha, 52 jastaǵy áıel, 31 jáne 40-50 jas shamasyndaǵy er adamdar jedel járdem kelgenge deıin kóz jumǵan.

Zardap shekken 17 jastaǵy jasóspirimniń qoly synǵan. Kóptegen synyq jaraqatyn alǵan 27 jastaǵy áıel es-tússiz kúıde. 69 jastaǵy er adamnyń mıy shaıqalǵan, etteri kógergen.








Avtor Eljan Eraly
Basty sózder: Kólik, Batys Qazaqstan oblysy,
Joǵary qaraı