Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Batys Qazaqstanda jol apatynan úsh adam kóz jumdy

2022 jyldyń 27 qańtar 2022 13:54

ORAL. QazAqparat – Batys Qazaqstan oblysynda jol apatynan úsh adam kóz jumdy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 27 qańtar kúni Samara-Shymkent jolynda Terekti aýdany Podstepnyı aýyly mańynda boldy.

Shamamen saǵat 08.50-de «Venoıl» janar-jaǵar maı stansasy tusynda «Folksvagen Sharan» avtokóliginiń júrgizýshisi rýlge ıe bola almaı, jol shetinde turǵan «Mersedes» júk kóligimen soqtyǵysýǵa jol bergen.

Sonyń saldarynan 1987 jáne 1988 jylǵy eki áıel, sondaı-aq 1976 jylǵy er adam oqıǵa ornynda qaza tapty.

Jeńil avtokóliktiń júrgizýshisi men úsh jolaýshysy túrli jaraqatpen aýrýhanaǵa jetkizildi.

Qazirgi kezde QR QK 345-baby 4-bóligine sáıkes sotqa deıingi tergeý amaldary júrgizilýde.

BQO polıtsııa departamenti júrgizýshilerge jol erejesin qatań saqtaý kerektigin eske salady.

Eske sala keteıik, budan buryn Batys Qazaqstan oblysynda eki avtokólik soqtyǵysyp, bes adamnyń aýrýhanaǵa jetkizilgenin, sondaı-aq mektepke jalǵan bomba qoıylǵanyn jazǵan bolatynbyz.




Joǵary qaraı