Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batys Qazaqstanda júk kóligi qaǵyp ketken jaıaý júrginshi kóz jumdy

2021 jyldyń 21 qazan 2021 15:28

ORAL. QazAqparat - Batys Qazaqstan oblysynda júk kóligi jaıaý júrginshini qaǵyp, mert qyldy, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, oqıǵa keshe shamamen saǵat 20.50-de Oral-Kırsanov jolynyń 61-shaqyrymynda Báıterek aýdany ıAnvartsev aýyly tusynda boldy.

41 jastaǵy júrgizýshi «DAF» júk avtokóligimen («Nefaz» jartylaı tirkemesimen) 22 jastaǵy jigitti qaǵyp ketti.

Sonyń saldarynan jaıaý júrginshi esin jııa almastan Oraldaǵy qalalyq kópbeıindi aýrýhanada qaıtys boldy. Júrgizýshi kinásin tolyq moıyndady.

Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilip jatyr.

BQO densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, kóptegen jaraqat alǵan marqum jansaqtaý sharalary júrgizilgenine qaramastan, saǵat 21.50-de kóz jumdy.

Eske sala keteıik, budan buryn BQO-da eki avtokólik soqtyǵysyp, júrgizýshi aýrýhanaǵa túskenin jazǵan bolatynbyz.


Avtor Eljan Eraly
Basty sózder: Batys Qazaqstan oblysy, Oqıǵa, Kólik,
Joǵary qaraı