Aýa raıy
Astana 3 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Batysqazaqstandyq dárigerler «Aqjaıyq» shıpajaıynda demalyp jatyr

2020 jyldyń 30 shilde 2020 15:37

ORAL. QazAqparat – Koronavırýspen kúreste aldyńǵy shepte júrgen medıtsına qyzmetkerleri «Aqjaıyq» shıpajaıynda demalyp, em qabyldap jatyr, dep habarlaıdy QazAqparat tilshisi.

Oblys ákimi Ǵalı Esqalıevtiń usynysymen dárigerlerdi «Aqjaıyq» shıpajaıynda tegin demaldyrý jóninde sheshim qabyldandy.

Terekti aýdany aýmaǵynda Jaıyq ózeni jaǵalaýynda, ormandy jerde ornalasqan «Aqjaıyq» shıpajaıy áýelden elge keńinen tanymal.

Shıpajaı dırektory Albert Safıýllınniń aıtýynsha, qazirdiń ózinde toǵyz dáriger demalyp úlgerdi. Kúni búgin 21 medıtsına qyzmetkeri em alýda.

Juqpaly aýrýlar aýrýhanasy men provızorlyq statsıonarlarda qaýip-qaterge qaramaı, kún-tún demeı eńbek etip júrgen dárigerler (barlyǵy 200-deı) demalysqa shyqqan kezinde qyrkúıek aıynyń aıaǵyna deıin qabyldanatyn bolady.

Eki adamdyq bólmede jatatyn kelýshiler tıisti em-dom qabyldaıdy. Klýbta uıymdastyrylatyn mádenı sharalarǵa qatysyp, bılıard, tennıs oınaıdy. Saýna men basseınge de túse alady.

Osylaısha densaýlyǵyn shyńdap, tynyqqan medıtsına qyzmetkerleri óz qyzmetterine qaıta oralatyn bolady.

Eske sala keteıik, budan buryn Batys Qazaqstanda karantın bastalǵaly 12 adamnyń úılený toıyn jasaǵanyn jazǵan bolatynbyz.


























Joǵary qaraı