Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Batysta jas sarbazdar áskerı daıyndyqtan ótip jatyr

2021 jyldyń 15 mamyr 2021 03:00

ATYRAÝ. QazAqparat - «Batys» óńirlik qolbasshylyǵynyń áskerı bólimderine shaqyrylǵan jas sarbazdar alǵash ret oq-dáriniń ıisin ıiskedi, dep habarlaıdy QazAqparat.

Óńirlik qolbasshylyqtyń baspasóz qyzmetiniń málimetinshe, Aqtóbe, Atyraý jáne Beıneý garnızondarynyń 200-den astam áskerı qyzmetshisi alǵashqy jaýyngerlik atys jattyǵýlaryn ótkizip, «Atletızm. Tabandylyq. Batyldylyq» kedergileriniń jolaǵyn baǵyndyrdy.

«Atys jattyǵýlary – jas sarbazdrdyń daıarlyq úrdisiniń sheshýshi kezeńderiniń biri. Áskerıler bul is-sharany «oq-dáriniń ıisin sezý» dep te aıtady. Jas sarbazdardyń alǵashqy áskerı daıyndyǵy birneshe kezeńnen turady. Bul 24 kúnge sozylady. Osy kezeńde sarbazdar taktıkalyq, atys, dene shynyqtyrý, atys daıyndyǵy sııaqty pánderdiń negizgi túsinikterimen tanysady. Sondaı-aq, áskerge shaqyrylýshylar saptyq jattyǵý elementterin, qarý-jaraqtyń taktıkalyq-tehnıkalyq sıpattamalaryn, jalpy áskerı erejelerdi meńgeredi», - deıdi jas sarbazdar vzvodynyń komandıri leıtenant Ǵazız Erseıitov.




Birinshi atý qorytyndysymen eń jaqsy nátıjeni 100-den 93 upaı jınaǵan qatardaǵy jaýynger Ermek Muhanalın kórsetken.




«Men komandırlerimniń barlyq nusqaýyn oryndadym. Keleside óz nátıjemdi jaqsartýǵa tyrysamyn. Biz jaýyngerlik daıyndyqtyń negizderin qyzyǵýshylyqpen úırenip, ant berýge daıyndalyp júrmiz. Jas sarbazdarda Otanǵa qyzmet etýge degen yqylas ta, talpynys ta bar», - deıdi jas sarbaz.








Avtor Bek Mustafa
Basty sózder: Batys Qazaqstan oblysy, Aımaq, Ásker,
Joǵary qaraı