Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Baýyrjan Baıbek Shymkentte órtenip ketken úıdiń turǵyndarymen kezdesti

2020 jyldyń 20 qazan 2020 18:05

ShYMKENT. QazAqparat– «Nur Otan» partııasy tóraǵasynyń birinshi orynbasary Baýyrjan Baıbek Shymkentte órtenip ketken úıdiń turǵyndarymen kezdesti. Bul týraly Baýyrjan Baıbek óziniń Facebook–tegi paraqshasynda jazdy, dep habarlaıdy QazAqparat tilshisi.

«Shymkent qalasynda byltyrǵy maýsym aıynda úıleri órtengen Vodopıanov kóshesindegi kópqabatty úıdiń turǵyndarymen kezdestim. Bul – bir jyl ishindegi úshinshi kezdesýimiz. Turǵyndardy aldaǵy qonys toılarymen quttyqtadym.

Jańa turǵyn úı salý máselesi jyl boıy partııanyń erekshe baqylaýynda boldy. «Nur Otan» depýtattarynyń qoldaýymen 5 qabatty úıdi salýǵa jáne ınjenerlik jelilerdi tartýǵa jergilikti bıýdjetten 550 mln teńge bólindi. Jumystyń sapasy men merziminiń saqtalýyn partııalyq baqylaý komıssııasy qadaǵalady.





«Nur Otan» partııasy fılıalynyń tóraǵasy, qala ákimi M. Áıtenovtiń aıtýynsha, aldyńǵy saparda ýáde etilgendeı, 42 otbasy osy qarasha aıynda quqyq belgileıtin qujattaryn qoldaryna alyp, jańa páterlerge qonystana alady.

Osy sátti paıdalana otyryp, qıyndyqqa tap bolǵandarǵa qol ushyn sozyp, ýaqytsha baspanamen, kıim-keshekpen jáne barlyq kerek-jaraǵymen qamtamasyz etken barsha partııalastar men aqjúrek azamattarǵa alǵys bildiremin»,– dep jazdy Baýyrjan Baıbek.








Avtor Alma Muqanova
Basty sózder: Shymkent, Nur Otan partııasy,
Joǵary qaraı