Aýa raıy
Astana -10 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Baýyrjan Momyshulynyń poezııasyna arnalǵan jınaq shyqty

2020 jyldyń 29 qarasha 2020 08:38

TARAZ. QazAqparat – Bıyl Sovet odaǵynyń batyry Baýyrjan Momyshulynyń týǵanyna 110 jyl. Batyrdyń mereıtoıyna oraı oblysta túrli shara uıymdastyrylýda, dep habarlaıdy QazAqparat.

Tarazdaǵy B.Momyshuly atyndaǵy «Jeńis» saıabaǵyndaǵy Dańq zalynda oblys ákimi Berdibek Saparbaevtyń qatysýymen «Tulǵasy - tunǵan tálim» atty kezdesý ótti.

Shara bastalmas buryn aımaq basshysy qonaqtarmen birge B.Momyshulynyń eskertkishine gúl shoqtaryn qoıdy.





Kezdesý barysynda B.Momyshuly poezııasyna arnalǵan «Sardardyń jyr sarbazdary» atty jınaǵynyń tusaýkeseri ótti. Tusaýkeserge jınaqtyń avtorlary – Jýaly aýdanynyń qurmetti azamaty Sábıt Dúısebaev jáne M.H.Dýlatı atyndaǵy Taraz óńirlik ýnıversıtetiniń «Fılologııa jáne jýrnalıstıka» kafedrasynyń dotsenti, fılologııa ǵylymdarynyń kandıdaty Seısekúl Ismatova qatysty.

Oblys ákimi Berdibek Saparbaev Baýyrjan Momyshuly týraly estelikter umyt qalmaý kerek ekendigin atap ótti.

«Bıylǵy jyl birneshe uly tulǵanyń mereıtoıy atalyp ótilýde. Ál-Farabı men Abaı ǵylym men mádenıetke úles qosqan bolsa, Baýyrjan Momyshuly Otanymyzdy qorǵaýǵa tikeleı qatysqan. Ultymyzdyń batyrlary týraly aıtqanda eń aldymen, Momyshuly oıǵa oralady. Bizdiń mindetimiz – tulǵanyń ómiri men qyzmeti haqynda jadymyzda saqtap, búgingi urpaqtyń úlgi-ónegesine aınaldyrýymyz kerek. Qazaqstandyq mekteptiń árbir túlegi Baýyrjan Momyshulynyń kim bolǵanyn bilip, túısinýi tıis», - dep sanaıdy Berdibek Saparbaev.

Áskerı qaıratker, áskerı ǵylymdar polkovnıgi Kım Serikbaev mereıtoılyq sharanyń mańyzdylyǵyna toqtaldy.

«Bul mereıtoı tek oblys pen qazaqstandyqtar úshin ǵana emes, burynǵy SSSR elderiniń turǵyndary úshin de mańyzdy. Jerlesimizdiń Jeńiske qosqan úlesin sózben aıtyp jetkizý múmkin emes», - dep atap ótti K.Serikbaev.





Batyrdyń kelini, jazýshy Zeınep Ahmetova aty ańyzǵa aınalǵan qolbasshy týraly esteliktermen bólisti.

«Óshken juldyzdardyń jarqyraýy mıllıon jylǵa deıin sozylady» degen sóz bar. Bul bizdiń búgingi keıipkerimizge qatysty aıtylǵandaı. Ol kisiniń «namys pen ar-ojdan» sekildi eki aýyz sózben sýretteýge bolady. Men osyndaı aıtýly tulǵanyń janynda ómir súrgenime qýanyshtymyn», - dedi ol.

Sondaı-aq Jýaly aýdanynyń ardageri Ábilqasym Ergebekov, B.Momyshulynyń jıeni, jýrnalıstıka ardageri Beket Momynqul mereıtoı ıesi týraly estelikterimen bólisse, aqyn Maraltaı Raımbekuly arnaýyn oqydy.


Joǵary qaraı