Aýa raıy
Astana 11 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Báıdibek aýdanynda koronavırýstan saýyqqan 86 jastaǵy qart dárigerlerge alǵys aıtty

2020 jyldyń 6 tamyz 2020 12:41

BÁIDІBEK. QazAqparat – Túrkistan oblysy, Báıdibek aýdanynda pandemııamen kúresti kúsheıtý úshin ortalyq aýrýhanada 82 provızorlyq oryn men 50 ınfektsııalyq gospıtal daıyndalǵan. Qazirgi tańda kelip túsken naýqastardyń 80 paıyzy jazylyp shyqqan, dep habarlaıdy QazAqparat tilshisi.

Emdeý mekemesinde em qabyldap saýyǵyp shyqqandardyń biri Kárimjan Saıdov dárigerlerge alǵys aıtty. 86 jastaǵy qarııa aýrýhanaǵa 81 jastaǵy jubaıymen birge túsken edi. Olarǵa COVID-19 jáne ókpeniń eki jaqty tómengi qabynýy dıagnozy qoıylyp, dárigerlerdiń qatań baqylaýynda bolǵan. Erli-zaıypty naýqastarǵa tıisti emdik sharalar qoldanyp, 14 kúndik emnen keıin aýrýlarynan aıyqqan. Qazirgi tańda zeınetkerler úılerine shyǵarylǵan.

Aıta keteıik, Báıdibek aýdany ortalyq aýrýhanasyna tek jergilikti turǵyndar ǵana emes, kórshi aýdandardan kelgen naýqastar da emdelýde. Olardyń ishinde Kentaý, Ordabasy, Sozaq, Túlkibas aýdandarynyń turǵyndary bar.





Joǵary qaraı